Texnologiya

Telegram yeni funksiyalar təqdim etdi

5 Dekabr 2024 20:36

Baxış: 1 595

VTB-də minimal faiz dərəcəsi ilə nağd kredit 9.9%-dən

#MARAQLI #TEXNOLOGİYA #SOSİAL ŞƏBƏKƏLƏR

"Telegram" tərtibatçıları yeni funksiyaları istifadəçilərinə təqdim ediblər.

Milli.Az xəbər verir ki, bu barədə şirkətin bloqunda məlumat yayılıb.

Əsas yenilik "Telegram"a bir neçə açar sözlü mürəkkəb sorğular üzrə stiker axtarışı üçün xüsusi təlim keçmiş Sİ modelinin əlavə edilməsi olub. Məsələn, "pişik qəhvə içir" yazıb daxil etdikdə "Telegram"ın 40 mindən çox rəsmi stikeri arasından sizin sorğunuza uyğun nəticələr dərhal göstəriləcək. Funksiya onlarla dildə dəstəklənir.

Həmçinin "Telegram"da "Hekayələr"də altı fotoya və ya videoya qədər bir maketdə birləşdirmək imkanı ilə kollajlar yaratmaq mümkün olub.

Bundan əlavə, "Telegram" istifadəçilərə və kanallara "Telegram Stars" virtual valyutası qazanmaq imkanı verən mini-tətbiqlər proqramlarını elan edib.

Milli.Az