Sağlamlıq

Bu adamlarda iflic riski daha yüksəkdir

26 Sentyabr 2021 12:22
Baxış: 1 421
VTB-də minimal faiz dərəcəsi ilə nağd kredit 9.9%-dən

Günün böyük bir qismini oturaraq keçirən adamlarda iflic riski daha yüksəkdir.

Milli.Az lent.az-a istinadən bildirir ki, Amerika Ürək Dərnəyinin "Stroke" çıxan elmi məqaləsində 143 min adamın sağlıq məlumatları araşdırılıb, 40 yaşdan yuxarı və iflic keçmişi olmayan iştirakçılar təxminən 9 il 4 ay müşahidə altında olub. 

Araşdırmada gündə 8 saat və ya daha çox oturub hərəkət halında olmayan adamların 4 saatdan az oturub hər gün ən az 10 dəqiqə məşq edənlərlə müqayisədə iflic keçirmə riskinin 7 qat artıq olduğu ortaya çıxıb.

Araşdırmanı qələmə alan Kanadadakı McMaster Universitetinin müəllimi Read Joundi sözügedən mövzu ilə bağlı deyib: "Oturaraq keçirilən zamanın glikoza, lipid maddələr mübadiləsi ilə qan axışı pozulduğu və bədəndəki iltihabı artırdığı təxmin edilir. Bu dəyişikliklər zamanla damarlar üzərində mənfi təsir yarada bilir, infarkt və iflicə yol açır.

Oturaraq keçirilən zamanın qısaldılıb fiziki fəaliyyəti artırma iflic riskini salmağa yardımcı ola bilir. Məsələn, lift yerinə pilləkənlə çıxmaq kimi təkrarlanan hərəkətləri edilməsi tövsiyə olunur. Yetkinlərin həftədə ən az 150 dəqiqə orta səviyyədə fiziki fəaliyyətdə olması məsləhətdir".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.