Sağlamlıq

Piylənmə əleyhinə qeyri-adi üsul

26 Yanvar 2026 01:01
Baxış: 1 489
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #QİDA

Ailə münasibətlərinin keyfiyyəti piylənmə riskinə birbaşa təsir göstərə bilər.

Milli.Az oxu.az-a istinadən xəbər verir ki, UCLA Health ekspertlərinin bu mövzuda apardıqları araşdırma "Gut Microbes" jurnalında dərc olunub.

Məlum olub ki, emosional dəstək və ailədəki xoş mühit bir sıra bioloji proseslərə, o cümlədən bədən kütləsinə təsir edir.

Araşdırmaya yüzdən çox Los-Anceles sakini cəlb olunub. Tədqiqat zamanı onların bədən kütləsi indeksi, sosial-iqtisadi vəziyyəti, qidalanma xüsusiyyətləri və ailə daxilində aldığı emosional dəstək səviyyəsi qiymətləndirilib.

Nəticələrə əsasən, yüksək emosional dəstək alan evli şəxslərdə bədən kütləsi indeksi daha aşağı olub və qida asılılığına meyil zəif müşahidə edilib. Yemək gördükləri zaman onların beyin qabığında iştahanın tənzimlənməsi və impulsların idarə olunmasına cavabdeh sahələrin aktivləşdiyi məlum olub. Tənhalarda isə bu xüsusiyyətlər aşkar edilməyib. Bu nəticələr MRT müayinələri zamanı əldə olunub.

Araşdırma həmçinin göstərib ki, evli iştirakçılarda "sevgi hormonu" kimi tanınan oksitosinin səviyyəsi daha yüksəkdir. Mütəxəssislərin fikrincə, məhz oksitosin zərərli qidaya meyli azaldır və bağırsaqlarda metabolizmi gücləndirir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.