Sağlamlıq

Gündə bir ovuc qoz yeyin - Beyni gücləndirir

30 Oktyabr 2025 21:00

Baxış: 515

VTB-də yüksək depozit faizleri daha çox qazandırır

#SAĞLAMLIQ #SAĞLAM QİDA

Rusiyalı həkim beynin aktivliyini artıran qidaları açıqlayıb.

Milli.Az xəbər verir ki, nevroloq Olqa Zinçeva yaddaş, diqqət və zehni fəaliyyət üçün faydalı qidalar barədə danışıb.

Həkimin sözlərinə görə, düzgün qidalanma təkcə ümumi sağlamlıq üçün deyil, həm də beynin normal fəaliyyəti üçün mühüm əhəmiyyət daşıyır. O qeyd edib ki, məhsulları seçərkən orqanizmin fərdi xüsusiyyətlərini və mümkün dözümsüzlükləri də nəzərə almaq vacibdir.

Zinçeva xüsusilə beyin üçün faydalı bir neçə məhsulu vurğulayıb. Onun sözlərinə görə, qoz beyin hüceyrələrinin fəaliyyətini dəstəkləyən yağ turşuları və antioksidantlarla zəngindir, əhvalı və yaddaşı yaxşılaşdırmağa kömək edir.

Brokoli də beyin üçün dəyərli sayılır. Tərkibindəki antioksidantlar hüceyrələri zədələnmədən qoruyur. Həkim bu tərəvəzi yalnız bişmiş halda deyil, həm də zapekanka, omlet və ya krem-sup kimi müxtəlif formalarda yeməyi məsləhət görür.

Qırmızı balıq da beyin sağlamlığında mühüm rol oynayır. Onun tərkibindəki omeqa-3 yağ turşuları yaddaşı, diqqəti və zehni qabiliyyəti gücləndirir.

Zinçeva əlavə edib ki, tünd şokolad da faydalıdır, çünki tərkibindəki maqnezium və flavonoidlər qan dövranını yaxşılaşdırır, diqqəti və əhvalı artırır. Lakin o, yüksək kakao tərkibli, az şəkərli şokolad seçməyi tövsiyə edib.

Zinçeva xəbərdarlıq edib ki, bəzi məhsullardan sonra narahatlıq yaranarsa, onları rasiondan çıxarmaq və qida dözümlülüyünü yoxlamaq lazımdır.

İsmayıl
Milli.Az