Sağlamlıq

Yayda günəş şüasından necə qorunmaq lazımdır?

27 İyul 2025 02:02
Baxış: 886
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Son günlər dünyada və Azərbaycanda havaların kəskin istiləşməsi, ölkəmizdə temperaturun 40 dərəcədən yuxarı qalxması ilə bağlı mütəmadi məlumatlar verilir. Yayı digər fəsillərdən fərqləndirən cəhət məhz bol günəş işığının yerə düşməsindədir. 

Həkim Pərvanə Mustafayeva Milli.Az-a deyib ki, günəş şüalarının müsbət təsirlərilə bərabər, insana zərərləri də vardır: 

"Normadan artıq günəş qəbul etmək dəri yanıqları, dəri xərçənginə səbəb ola bilər. Buna görə də yalnız dəniz, ya da hovuz kənarında günəş vannası qəbul edərkən deyil, günün hər saatında günəşdən qorunmamız böyük bir əhəmiyyət daşıyır. Saat 11.00-16.00 saatları arasında günəş şüaları yer səthinə düz bucaq altında düşdüyündən insan orqanizmi üçün çox zərərlidir. 

Günəşə qarşı necə qorunmağı təyin etmək üçün dəri tipindən xəbərdar olmağın böyük bir əhəmiyyəti var. Günəşin zərərləri baxımından ən çox riski ağ bədənlilər, qırmızılar və heç qaralmayan, ya da günəşə çıxdıqca dəri yanıqlarıyla nəticələnən dəri tipləri daşıyır. Dərinin rəngi tündləşdikcə yanma riski də o nisbətdə azalır. Ancaq əsmər bədənlilərdə də ozon təbəqəsinin incəlməsiylə birlikdə günəş yanığı meydana gəlməsi heç də az rast gəlinən bir hal deyil.

Yay aylarında hər kəs, xüsusilə açıq rəngli bədəni olanlar 15 SPF günəşdən qoruyucu məhsullar istifadə etməlidir. Günəş qoruyucular UV şüalarını əks etdirmə və paylama yolu ilə dəriyə çatmasına mane olan dərmanlardır. Günəş qoruyucu kremlərin fəaliyyətini günəşdən qoruma faktoru (SPF) nömrələri təyin edir. Günəşdən qoruma faktoru nə qədər yüksək isə təsiri o qədər artar".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.