Sağlamlıq

Oturaq işlər kişiləri sonsuzlaşdırır

17 İyun 2025 23:24
Baxış: 1 066
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Uzun müddət masa arxasında və ya oturaq mühitdə işləmək kişilər üçün həm fiziki, həm də reproduktiv sağlamlıq baxımından ciddi fəsadlara yol aça bilər.

Milli.Az xəbər verir ki, oturaq həyat tərzi qan dövranını zəiflədir, xüsusilə çanaq nahiyəsində durğunluğa səbəb olur. Bu isə prostat vəzinin iltihabına - prostatitə yol aça və ya mövcud problemləri daha da ağırlaşdıra bilər.

Mütəxəssislər bildirir ki, oturaq vəziyyətdə uzun müddət qalmaq testislərin istiliyini artırır. Bu da sperma istehsalını və keyfiyyətini aşağı salır, nəticədə kişi məhsuldarlığına mənfi təsir göstərir.

Bundan əlavə, hərəkətsizlik piylənmə, ürək-damar xəstəlikləri, bel və onurğa problemləri, o cümlədən bel yırtığı riskini artırır. Maddələr mübadiləsinin zəifləməsi testosteron səviyyəsinin enməsi ilə nəticələnə bilər ki, bu da ümumi kişi sağlamlığına zərər verir.

Həkimlər tövsiyə edir ki, hər 30-60 dəqiqədən bir qısa fasilə verilsin, az da olsa yerimək və yüngül idman hərəkətləri edilsin. Bu sadə vərdişlər sağlamlığın qorunmasında mühüm rol oynaya bilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.