Sağlamlıq

Maqnit qasırğaları zamanı belə qidalanın

5 Oktyabr 2024 18:45

Baxış: 1 908

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #XƏSTƏLİK #QİDA #QASIRĞA

"Maqnit qasırğaları zamanı məhsuldar həyat tərzini qorumaq üçün düzgün istirahəti təmin etmək və həddindən artıq gərginlikdən çəkinmək vacibdir".

Milli.Az oxu.az-a istinadən bildirir ki, bu barədə "Moskva 24" telekanalına müsahibəsində rusiyalı terapevt, tibb elmləri namizədi Andrey Kondraxin danışıb.

O, qidalanmaya diqqət yetirməyi, yağlı, qızardılmış və hisə verilmiş qidalardan uzaq durmağı tövsiyə edib. Maqnit qasırğalarının müşahidə olunduğu günlərdə çay və qəhvədən imtina etmək, tərəvəz, meyvə, dovşan və quş əti ilə qidalanmaq, həmçinin bol su içmək məsləhətdir.

Kondraxin düzgün yuxunun vacibliyini də xatırladıb - gündə ən azı səkkiz saat yatmaq lazımdır. O xəbərdarlıq edib ki, yuxusuzluq stres hormonlarının toplanmasına səbəb olur və xroniki yorğunluğa yol açır.

"Maqnit qasırğaları ilə birlikdə bu, iş qabiliyyətini azaldaraq, stresi artıra bilər" , - deyə əlavə edib.

Həkim idmanla məşğul olmağın mümkün olduğunu, lakin həddindən artıq fiziki fəaliyyətdən çəkinməyin vacib olduğunu da vurğulayıb.

Qeyd edək ki, Rusiyanın Kosmik Tədqiqatlar İnstitutu və Günəş-Yer Fizikası İnstitutunun mətbuat xidmətinin məlumatına görə, oktyabrın 4-dən 5-dək güclü maqnit qasırğası gözlənilir.

Milli.Az

Xəbərlərimizi WhatsApp kanalımızdan da oxuyun