Sağlamlıq

ÜST-dən kosmetik məhsullarla bağlı XƏBƏRDARLIQ

9 İyul 2024 00:36
Baxış: 711
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Kosmetik məhsullardakı "talk" mineralının xərçəngə səbəb ola biləcəyi barədə xəbərdarlıq edilib.

Milli.Az medicina.az-a istinadən xəbər verir ki, Ümumdünya Səhiyyə Təşkilatının (ÜST) Beynəlxalq Xərçəng Araşdırmaları Agentliyi (IARC) kosmetik məhsullarda tapılan "talk" mineralının "insanlarda xərçəngə səbəb ola biləcək mümkün kanserogen" kimi təsnif edildiyini açıqlayıb.

IARC-dən verilən açıqlamada 29 tədqiqatçının kosmetik məhsullarda tapılan "talk"la bağlı elmi araşdırmaları təhlil etdiyi bildirilib.
Mədənlərdə və kağız sənayesində işləyənlərin, eləcə də kosmetik məhsullardan istifadə edənlərin "talk" mineralına məruz qaldığı ifadə edilib.
Tərkibində "talk" olan bədən kirşanını anal nahiyədə istifadə edən qadınlarda yumurtalıq xərçəngi hallarının davamlı olaraq artdığı vurğulanıb.
Açıqlamada "talk"ın "Qrup 2A kanserogen maddəsi olaraq təsnif edildiyi və mineralın sınaq heyvanlarında xərçəngə səbəb olduğuna dair "kifayət qədər sübut" olduğu qeyd edilib.

IARC-nin tapıntıları "The Lancet Oncology" jurnalında dərc olunan məqalədə yer alıb.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.