Sərgilər

"Caspian Oil and Gas" sərgisinin təşkilatçıları Azərbaycan neftçilərini təbrik ediblər

20 Sentyabr 2011 11:55

Baxış: 1 252

VTB-də minimal faiz dərəcəsi ilə nağd kredit 10.49%-dən

#AZERBAİJAN #CASPİAN OİL & GAS LTD

Hər il keçirilən "Xəzər neft və qaz" sərgi və konfransının təşkilatçıları Azərbaycan neftçilərini onların peşə bayramı olan Neftçilər Günü və "Əsrin müqaviləsi"nin 17-ci ildönümü münasibəti ilə səmimi qəlbdən təbrik edirlər! Biz sizin hamınıza möhkəm can sağlığı, ailə səadəti və vətənimizin gələcək inkişafı naminə möhtəşəm əmək zəfərləri arzu edirik!

Xəzəryanı regionun neft və qaz sahəsində ən böyük və nüfuzlu tədbir sayılan 19-cu Beynəlxalq "Xəzər neft, qaz, neftayırma və neft kimyası" ("Xəzər neft və qaz") sərgi və konfransı 5-8 iyun tarixlərində keçiriləcək və regionun neft sənayesi mütəxəssislərini və əsas iştirakçılarını öz bayrağı altında bir yerə toplayacaqdır. Sözügedən sərgi və konfransa dövlət strukturları tərəfindən xüsusi diqqət və dəstək göstərilir. Hər il sərginin təntənəli açılışı mərasimində Azərbaycan Respublikası Prezidenti Zati-aliləri İlham Əliyevin iştirak etməsi bu sərginin yüksək statusa malik olduğunu bir daha təsdiqləyir. Bir sıra dövlətlərin rəhbərləri hər il sərginin ünvanına salamlama məktubu göndərirlər. Ənənəvi olaraq, Azərbaycan Respublikası Sənaye və Energetika Nazirliyi və Azərbaycan Respublikası Dövlət Neft Şirkəti (ARDNŞ) "Xəzər neft və qaz" layihəsinə dəstək verirlər. Bu il sərgidə dünyanın 25-dən ölkəsindən 300-dən çox şirkətin iştirak edəcəyi gözlənir. Ənənəvi olaraq, sərgidə bir sıra ölkələrin milli qrupları da iştirak edəcəklər. Xəzər hövzəsində yeni yataqların kəşf edilməsi sahəsində əldə olunan ən son nailiyyətlər sərginin inkişafına əlavə təkan verdi və bu, 2012-ci il sərgisinin geniş ekspozisiyasına da öz müsbət təsirini göstərəcəkdir.