43 bağça müdiri işdən çıxarıldı

Aşkar edilən nöqsanlar nəticəsində ölkə üzrə ümumilikdə 43 bağça müdiri işdən azad edilib.

Bu barədə Milli.Az-a Məktəbəqədər və Ümumi Təhsil üzrə Dövlət Agentliyindən məlumat verilib.

Bildirilib ki, buna səbəb vətəndaş və valideyn müraciətləri əsasında aparılan yoxlama-nəzarət tədbirləri zamanı nöqsanların aşkar edilməsi olub.

Həmin nöqsanlar aşağıdakılardır:

- təşkilati-sənədləşmə işlərinin, uşaqların qidalanması prosesinin təşkilinin müəyyən məqamlarda düzgün aparılmaması;

- davamiyyətin aşağı olması, prosesə nəzarətin düzgün təşkil edilməməsi;

- uşaqların qeydiyyatı üçün nəzərdə tutulan portaldan kənar azyaşlıların təlim-tədrisə cəlb edilməsi.

Qeyd edilib ki, tədris prosesinin keyfiyyətinin artırılması və müəssisələrin fəaliyyətində şəffaflığın təmin edilməsi istiqamətində həyata keçirilən nəzarət tədbirləri sistemli və ardıcıl şəkildə davam etdirilir.

Milli.Az
Xəbərlərimizi WhatsApp kanalımızdan da oxuyun

Milli.Az
Xəbərlərimizi WhatsApp kanalımızdan da oxuyun