İqtisadiyyat

HSBC oğurluğu boynuna aldı

13 Mart 2010 10:26
Baxış: 1 223
VTB-də minimal faiz dərəcəsi ilə nağd kredit 9.9%-dən
#HSBC HOLDİNGS PLC
Bölmənin rəhbəri Aleksandr Seller "The Guardian"a bildirib ki, məlumatlar 3 il əvvəl oğurlanıb və o vaxtdan bəri 9 min müştəri onun təmsil etdiyi təşkilatın xidmətlərindən imtina edib.

2009-cu ilin dekabrında HSBC məlumat oğurluğunu etiraf etsə də, bank rəhbərliyi yalnız 10 müştəri barədə bilgilərin oğurlandığını demişdi.

Dünənsə bank müştərilərindən üzr istəyib: "Əfsuslar olsun ki, bizə dəymiş ziyanın həcmini yalnız indi anladıq".

Minlərlə müştəri barədə məlumatları maliyyə qurumunun İT bölməsinin əməkdaşı Erve Falçani üç il əvvəl oğurlayıb.

Fırıldaqçının əməllərindən ziyan çəkənlərin sayı HSBC-nin İsveçrədəki özəl bankinq bölməsinin bütün müştərilərinin 1/4 hissəsi olub.

Məlumatların sızması isə Fransa ilə İsveçrə arasında münaqişəyə səbəb olub. HSBC-nin müştəriləri barədə məlumata bazasına yiyələnən rəsmi Paris bankda hesabları olan ölkə vətəndaşların vergidən yayınmalarını yoxlamağa başlamışdı.

Fevralda münaqişə tərəflər arasında aparılan danışıqlardan sonra yoluna qoyulub.

İsveçrənin dövlət bank tənzimləyiciləri isə NSBC-yə qarşı konfidensial məlumatın sızmasıyla bağlı inzibati iş qaldırıblar.

/Ekspress/

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.