İqtisadiyyat

"Leo Burnett Worldwide" Azərbaycanda öz nümayəndəliyini açıb

20 Aprel 2015 15:00
Baxış: 1 458
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
"Leo Burnett Worldwide" Azərbaycanda öz nümayəndəliyini açıb.
"Leo Burnett Eastern Europe" Azərbaycanda öz nümayəndəliyi "Trade Mark Leo Burnett"in fəaliyyətə başlaması barədə rəsmi məlumat verib.
 
Vladimir Tkaçev, Chairman & CEO Leo Burnett Eastern Europe: "Azərbaycan - sürətlə inkişaf edən bazardır və bizim üçün belə bazarlar çox maraqlıdır. Biz bu barədə bir neçə ildir ki, maraqlanırıq və mümkün partnyorlar ilə danışıqlar aparırıq. Və hiss edirik ki, artıq əsl vaxtıdır. Bir tərəfdən, daxili bazar artıq ciddi beynəlxalq səviyyəyə çıxmağa hazırdır, digər tərəfdən isə Azərbaycanda yalnızca daxili bazarda deyil, xarici bazarlara çıxmaq istəyən brendlər var. Biz onlara hər iki istiqamətdə kömək etməyə hazırıq".
 
Yeni şöbə yerli bazarda uğurla fəaliyyət göstərən "Trade Mark" agentliyinin komandası ilə çalışacaq.
 
"Leo Burnett Worldwide" - dünyanın ən böyük reklam agentlikləri şəbəkəsindən biridir. Dünya üzrə 85 ofisi və 8 mindən çox işçisi vardır. Fransanın "Publicis Groupe" reklam-kommunikasiya holdinqinin tərkibinə daxildir. Reklam agentliyi şəbəkəsi "Coca-Cola", "Fiat", "Kellogg's", "Kraft", "McDonald's", "Nintendo", "P&G", "Samsung" və digər dünya şöhrətli brendlər ilə çalışır. Axırıncı altı il ərzində International ANDY Awards, ADC Awards, MENA Cristal Festival və Cannes Health Lions beynəlxalq festivallarında "İlin şəbəkəsi" seçilmişdir.
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.