İqtisadiyyat

Rusiya şirkəti bizim neft üçün qiyməti qaldırır

3 Aprel 2015 10:37
0 Şərh     Baxış: 2 210
VTB-də minimal faiz dərəcəsi ilə nağd kredit 9.9%-dən
#AZERBAİJAN #RUSSİA #NEFT #TRANSNEFT OJSC

Tarifin artırılmasına aprelin 7-də baxılacaq

Rusiyanın "Transneft" şirkəti Bakı-Novorossiysk neft boru kəmərinin və Novorossiyskdə yerləşən Şesxaris neft bazasının təmiri üçün vəsait axtarır.

APA-nın "Kommersant" qəzetinə istinadən verdiyi məlumata görə, şirkət artıq Rusiya Federal Tarif Şurasından Azərbaycan neftinin kəmərlə tədarükü üçün tarifləri 30% artırmağı xahiş edib.

Şirkətdən bildiriblər ki, rublun məzənnəsinin kəskin aşağı düşməsindən sonra bu istiqamətdə neftin nəqli regionda daha sərfəli olub.

"Devalvasiyadan sonra Azərbaycan üçün Rusiya kəməri ilə neftin bir tonunun nəqli 10,2 dollara başa gəlir. Baxmayaraq ki, Bakı-Tbilisi-Ceyhan boru kəməri ilə neftin bir tonu 44,4 dollara nəql edilir", - deyə nəşr qeyd edir.

Bununla belə, "Kommersant" yazır ki, tariflərin artırılması nəqlin həcminə təsir etməyəcək.

Qeyd edək ki, Federal Tarif Şurası tariflərin artırılmasına aprelin 7-də baxacaq.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.