İqtisadiyyat

Alına bilməyən borc yarı qiymətinə necə satıldı?

27 Dekabr 2010 06:48
Baxış: 989
VTB-də minimal faiz dərəcəsi ilə nağd kredit 9.9%-dən
#CREDİT SUİSSE GROUP AG
Milli. Az xəbər portalı "The Wall Street Journal"a istinadən bildirir ki, İsveçrənin ən böyük banklarından biri olan "Credit Suisse" 2,8 milyard dollarlıq ipoteka kreditləri portfellərini satıb. Ssudalar Almaniyada və Avropa Birliyinin bir sıra ölkələrində yaşayış binalarının satın alınmasına ayrılmışdı. Həmin ölkələr isə qlobal maliyyə böhranından ağır ziyan çəkiblər.
Bankın özündə ipoteka kreditləri portfelinin satışı ilə bağlı məlumatı şərh etməkdən boyun qaçırıblar.

Borc öhdəliklərinin alıcısı "Apollo Management LP" investisiya fondudur. O, 2,8 milyardlıq ipoteka kreditləri portfeli üçün 1,2 milyard avro ödəyib.
Bu anlaşma bankların qlobal maliyyə böhranından sonra həyata keçirdikləri ən iri satışlardan biridir.
"Credit Suisse" böyüklüyünə görə İsveçrənin ikinci bankıdır. Dünyanın bütün bankları təki, o da ipoteka böhranı nəticəsində ağır itkilər verib. Səbəb isə isveçrəlilərin daşınmaz əmlak bazarında yüksək riskli qiymətli kağızlara böyük sərmayə yatırmasıdır.

2008-ci ilin ilk rübündə "Credit Suisse" son 5 il ərzində ən böyuk itkilərə məruz qaldığını, 2,1 milyard dollar zərər verdiyini bəyan etmişdi.

Toğrul İsayev
Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.