İqtisadiyyat

Neftin qiyməti ilə bağlı DƏHŞƏTLİ PROQNOZ

13 Noyabr 2014 15:32
2 Şərh     Baxış: 2 802
VTB-də minimal faiz dərəcəsi ilə nağd kredit 9.9%-dən
#İQTİSADİYYAT #NEFT #JPMORGAN CHASE & CO

"JPMorgan Chase" investisiya bankı dünya bazarında neftin bir barelinin qiymətinin 65 dollara enəcəyini istisna etmir

Bu barədə APA "İnterfaks" agentliyinə istinadən məlumat verir.

"Dünya iqtisadiyyatında artım tempinin gözlənilənlərdən aşağı olması neft bazarında tələbatın təklifi üstələməsi ilə nəticələnib. Bu isə OPEK-ə üzv olan ölkələr tərəfindən kvotanın azaldılmasına zəmin yaradıb. Lakin, hazırkı vəziyyətdə əsas problem ondan ibarətdir ki, OPEK-ə üzv olan ölkələr noyabr ayında baş tutacaq növbəti iclasda neftin hasilatının azaldılması ilə bağlı ortaq məxrəcə gələ bilməyəcək", - deyə bankın icmalında bildirilir.

"JPMorgan" analitikləri hesab edir ki, əgər OPEK noyabrda neft hasilatının kvotasını aşağı salınması ilə bağlı qərar qəbul etməsə, qiymətlər bir barelə görə 70 dollara qədər aşağı düşə bilər.

Bankın hesablamalarına görə, 2015-ci ilin yanvar ayında neftin bir bareli 65 dollara qədər enəcək.

Bununla yanaşı, bankın analitikləri hesab edir ki, neftin qiymətinin sürətlə azalması OPEK-ə üzv olan ölkələrin "qara qızıl"ın hasilatını azaltmağa stimul verəcək.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.