İqtisadiyyat

BP məhkəməyə verildi

16 Dekabr 2010 12:31

Baxış: 1 069

VTB-də minimal faiz dərəcəsi ilə nağd kredit 10.49%-dən

#MEXİCO #BP PLC

Milli.Az xəbər portalı "The Financial Times"ə istinadən bildirir ki, ABŞ-ın prezident administrasiyası Meksika Körfəzindəki neft sızmasına görə Böyük Britaniyanın "British Petroleum" (BP) neft-qaz korporasiyasını məhkəməyə verib.
Ağ Evin iddia ərizəsində korporasiyadan neft sızması nəticəsində ətraf mühitə dəymiş ziyanın, habelə sızmanın fəsadlarının aradan qaldırılması ilə bağlı xərclərin tam ödənməsi tələb olunur.
İndi BP-ni Meksika Körfəzində okean sualırna sızdırılmış hər 1 barel xam neftə görə 4300 dollar məbləğində cərimə gözləyir. Amerikalı ekoloqların hesablamalarına görə, qəzadan sonrakı dönəmdə Meksika Körfəzinə hər gün 53,5 - 60 min barel xam neft yayılıb. BP-nin qəzaya uğramış platformasında quyunun qapadılmasına qədərsə Körfəz sularına 4,1 milyon barel neft yayılıb.

BP isə bu rəqəmlərə etiraz edir və bildirir ki, ABŞ hökuməti həmin rəqəmləri 20-50 faiz artırıb.
BP qəzanın səbəblərinin aradan qaldırılması üçün Birləşmiş Ştatlara indiyədək 518 milyon dollar ödəyib.
Xatırladaq ki, ABŞ sahillərində, Meksiya Körfəzindəki ekoloji fəlakət 2010-cu ilin aprelin 20-də BP-nin nəzarətindəki "Deepwater Horizon" neft platformasındakı qəza nəticəsində baş verib. Qəzada platformada partlayış və yanğın olub, iki gün sonra isə platforma batıb.
1,5 km dərinlikdəki quyudan isə qəza nəticəsində suya neft sızmağa başlanıb. Sızmanın qarşısı yalnız noyabr ayında alınıb.
Həmin qəza ilə bağlı BP-nin xərcləri artıq 8 milyard dolları keçib. Analitiklərin hesablamalarına görə, Meksika Körfəzindəki qəza BP-yə on milyardlarla dollara başa gələcək.

Toğrul Hüseynov
Milli.Az

Milli.Az - Xəbər Portalı

BP məhkəməyə verildi

DİGƏR XƏBƏRLƏR

XƏBƏR LENTİ

TOP VIDEO

SORĞU

Süni intellekt işinizi əlinizdən ala bilər?