İqtisadiyyat

ARDNŞ: Bakı-Novorossiysk kəməri ilə neftin qarşılıqlı faydalı şərtlər əsasında nəqli hər iki tərəfin marağındadır

13 Fevral 2014 20:05

Baxış: 1 376

VTB-də minimal faiz dərəcəsi ilə nağd kredit 9.9%-dən

#AZERBAİJAN #İQTİSADİYYAT #TRANSNEFT OJSC

Bakı-Novorossiysk kəməri ilə neftin qarşılıqlı faydalı şərtlər əsasında nəqlinin davam etdirilməsi "Transneft" şirkətinin, eləcə də Azərbaycan Respublikası Dövlət Neft Şirkətinin (ARDNŞ) marağındadır. Bunu cümə axşamı Trend-ə ARDNŞ-dən deyiblər.

Şirkətdən bildiriblər ki, hazırda qüvvədə olan müqavilənin vaxtı hələ bitməyib və şirkətlər arasında bununla bağlı intensiv danışıqlar gedir: "Danışıqlar başa çatdıqdan sonra bu barədə ictimaiyyətə məlumat veriləcək".

Rusiya KİV-in daha əvvəl yaydığı məlumata görə, ARDNŞ "Transneft" şirkətinə Bakı-Novorossiysk kəməri ilə neft nəqli üzrə tranzit müqavilənin müddətinin uzadılması ilə bağlı müraciət edib.

Hazırda Azərbaycandan neft üç neft kəməri - Bakı-Tbilisi-Ceyhan, Bakı-Supsa və Bakı-Novorossiysk, eləcə də dəmiryol ilə ixrac olunur. Beləliklə, Bakı-Novorossiysk kəməri ilə neftin nəqlindən imtina edilərsə, neft digər iki neft kəmərinə yönəldilə bilər.

ARDNŞ-dən daha əvvəl bildirmişdilər ki, Bakı-Novorossiysk ilə nəqlin dayanmasından sonra bu marşrut üzrə nəql edilən neftin həcmləri Azərbaycan neftinin əksər hissəsinin ixrac edildiyi Bakı-Tbilisi-Ceyhan neft kəmərinə yönləndiriləcək.

Milli.Az