İqtisadiyyat

Azərbaycanda geri çağırılma siyahısına düşən JEEP modeli yoxdur

24 İyun 2013 15:57
Baxış: 1 405
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#CHRYSLER LLC #JEEP
Milli.Az xəbər verir ki, Chrysler Qrupu ABŞ Dövlət yol təhlükəsizliyi Administrasiyası ilə olan fikir ayrılığında ortaq məxrəcə gəlib. Amerikanın avtomobil nəhəngi 1993-2004-cü illər istehsalı Jeep Grand Cherokee və 2002-2007-ci illər istehsalı Jeep Liberty modellərini yoxlamağa və lazım gələrsə, aşağı sürətli toqquşmalarda daha dözümlü etmək üçün arxa hissəsindəki qoşqu birləşdiricisini yeniləməyə razılıq verib.

Ümumilikdə söhbət dünya üzrə 1,56 milyon avtomobildən gedir.

Xatırladaq ki, Dövlət yol təhlükəsizliyi Administrasiyası qeyd edilən illərə məxsus avtomobillərin yanacaq çənlərinin vəziyyətinin arxa toqquşmalar üçün təhlükəli yerləşdiyini iddia etmişdi. Bu iddianı qəbul etməyən Chrysler qrupu müştərilərin narahatlığını nəzərə alıb, könüllü olaraq modelləri yenidən yoxlamadan keçirməyə razı olub.

Yoxlamaya ehtiyacı olan avtomobillərin VİN nömrələri dünya üzrə bütün Chrysler Group təmsilçilərinə göndərilib. Azərbaycanda geri çağırılma siyahısına düşən JEEP modelləri yoxdur. Ölkəmizdə Chrysler Group rəsmi olaraq 2011-ci ildən Chrysler Mərkəz tərəfindən təmsil edilir. Ölkədə rəsmi distribüterin təqdim etmiş olduğu Jeep modelləri 2010-cu ildən sonrakı illərə aiddir.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.