İqtisadiyyat

Hillari Klinton: “Azərbaycan enerji daşıyıcılarının vacib və etibarlı tədarükçüsü kimi inkişaf edir”

1 İyun 2010 13:25

Baxış: 1 352

VTB-də yüksək depozit faizleri daha çox qazandırır

#AZERBAİJAN #CASPİAN OİL & GAS LTD

"Azərbaycan enerji daşıyıcılarının dünya bazarına vacib və etibarlı təchizatçısı kimi inkişaf edir". ABŞ-ın dövlət katibi Hillari Klintonunun bu gün Bakıda açılan "Caspian Oil & Gas" 17-ci Beynəlxalq Xəzər neft və qaz, neftayırma və neft kimyası sərgisinin iştirakçılarına ünvanladığı təbrikində belə deyilir. Təbrikdə bildirilir ki, Azərbaycan enerji daşıyıcılarının işlənməsində ABŞ-ın simasında həmişə etibarlı tərəfdaş görə bilər.

Hillari Klinton qeyd edib ki, Gürcüstan və Türkiyə də daxil olmaqla qonşu dövlətlərlə əməkdaşlıq çərçivəsində Bakı-Tbilisi-Ceyhan neft kəməri və Cənubi Qafqaz qaz kəməri kimi layihələr uğurla həyata keçirilir: "ABŞ fəxr edir ki, belə vacib layihələrin reallaşdırılmasında tərəfdaşdır. Biz Azərbaycanın Avropa bazarına qaz nəqli üçün nəzərdə tutulan "Cənub dəhlizi" layihəsinin reallaşdırılmasında liderliyi qoruyacağına inanırıq". Dövlət katibinin müraciətini ABŞ Dövlət Departamentinin Avrasiya energetikası məsələləri üzrə xüsusi nümayəndəsi Riçard Morninqstar oxuyub.

"Caspian Oil & Gas" 17-ci Beynəlxalq Xəzər neft və qaz, neftayırma və neft kimyası sərgisi Böyük Britaniyanın "İTE Group PLC" və onun Qafqazdakı tərəfdaşı "İteca Caspian" MMM şirkətlərinin təşkilatçılığı ilə keçirilir.

Milli.Az