Rusiyanın "AvtoVAZ" şirkəti gələn həftədən etibarən "VAZ-2107" modelli avtomobillərin istehsalını dayandırır. APA-nın xəbərinə görə, bu barədə şirkətin ictimaiyyətlə əlaqələr üzrə direktoru İqor Burenkov bildirib.
Onun sözlərinə görə, model sırasını yeniləmək qərarına gələn "AvtoVAZ"ın satış həcmi bu ilin I rübündə 3 dəfə aşağı düşüb: "Klassik modellərə tələbat azalıb. Artıq onlarla vidalaşmaq zamanı gəldi. Ona görə də gələn həftədən etibarən "VAZ-2107" istehsalını dayandırırıq".
Qeyd edək ki, "VAZ-2107" avtomobil modeli 1978-ci ildən istehsal olunur. Azərbaycana bu model 1980-ci ildən etibarən idxal olunur. Bu modelin istehsalı dayandırılmasa belə, mayın 1-dən onu Azərbaycana idxal etmək mümkün olmayacaq. Azərbaycan Standartlaşdırma, Metrologiya və Patent üzrə Dövlət Komitəsinin (SMPDK) fevral ayında verdiyi qərara əsasən, bu il mayın 1-dən Azərbaycanda avtomobil nəqliyyat vasitələrində "ABS" əyləc sistemi və ən azı bir təhlükəsizlik yastığı olmayan avtomobillərin idxalına və istehsalına icazə verilməyəcək. SMPDK-nın təsdiq etdiyi "Təkərli nəqliyyat vasitələrinin, onların avadanlıqlarının və hissələrinin sertifikatlaşdırma qaydası" AZS 635-2012 dövlət standartının tələblərinə görə, may ayının 1-dən Azərbaycana idxal olunan və ölkədə istehsal olunan avtomobil nəqliyyat vasitələrində (tam ötürücü transmissiyalılar istisna olmaqla) "ABS" əyləc sistemi və ən azı bir təhlükəsizlik yastığı (air bag) olmalıdır. Bu tələblərə cavab verməyən avtomobillərin idxalına və istehsalına icazə verilməyəcək.
Xatırladaq ki, "AvtoVAZ" şirkəti 1993-cü ildə yaradılıb. Şirkətin əsas səhmdarlarından biri Fransanın "Renault" şirkətidir. "AvtoVAZ"ın səhmlərinin 25%-i "Renault"a məxsusdur. Hazırda şirkət "Lada Priora", "Kalina", "Samara", eləcə də "klassik" modellər (o cümlədən "VAZ-2107") buraxır.
Milli.Az
İqtisadiyyat
"VAZ-2107" avtomobillərinin istehsalı dayandırılır
13 Aprel 2012 17:58
0 Şərh
Baxış: 13 733
DİGƏR XƏBƏRLƏR
- Azərbaycan nefti bahalaşdı
- Kapital Bank-dan kredit götürən müştərilər həyat sığortası əldə edə biləcəklər
- Bu şəxslərə 6 min manat veriləcək - Qanuna dəyişiklik edilir
- Peter Mixalko: Azərbaycanın COP29 üçün göstərdiyi səyləri təqdir edirəm
- Azərbaycan nefti bahalaşdı
- Azərbaycanda dalğa enerjisinin hansı perspektivləri var?
XƏBƏR LENTİ
- Karvaxal zədəsi barədə danışıb
- Dağıdıcı qasırğa Almaniyaya çatır
- Özbəkistan prezidenti Moskvaya gedir
- Türkiyəyə yüz milyonlarla avroluq silah ixrac edəcəklər
- İsrailin bu şəhəri raket atəşinə tutuldu
- “Yalı çapkını”na görə Ülviyyəyə qadağa qoyuldu
- 35 yaşlı kişi Kürdə BATDI
- İkili oyunlara qarşı Azərbaycanın qətiyyətli siyasəti
- Dünyanın ən bahalı kitabı - Qiyməti nə qədərdir?
- Ən çox maaşı onlar alır - SİYAHI
- İstanbulda İŞİD-in bombaçısı tutuldu
- Makqreqordan qalmaqallı açıqlama
- “Dövlət qadınlarımıza sahib çıxmalıdır”
- İldırımın ən çox vurduğu yer
- "Netanyahu odla oynayır"
- Sabun ixtirasına qədər insanlar necə yuyunurdular?
- Bərxudarovun yerinə keçən Vilayət Quliyev kimdir? - FOTO
- 15 yaşlı qız dəm qazından zəhərləndi
- Əməkdar artist də gözlərinin RƏNGİNİ DƏYİŞƏCƏK - VİDEO
- Çanaqqala sahilində zəlzələ oldu
- Eyni cütlük neçə dəfə evlənə bilər? - REKORD - FOTO
- "Caliber": Gürcüstan üçün Qarabağ ssenarisi?
- Ermənistanda hərbçi güllələndi
- "Ayaqlarımı qucaqlayıb, için-için AĞLAYIRDIM" - VİDEO