İqtisadiyyat

"Nestle" Rusiyada məşhur brendlərinin işini dayandırıb

24 Mart 2022 08:07
0 Şərh     Baxış: 1 582
VTB-də minimal faiz dərəcəsi ilə nağd kredit 9.9%-dən
#NESTLE SA #RUSİYA-UKRAYNA MÜHARİBƏSİ

Nestle şirkəti "KitKat" və "Nesquik" brendlərini Rusiya bazarından çıxarmaq qərarına gəlib.

Milli.Az "Report"a istinadən bildirir ki, bu barədə şirkətin mətbuat xidməti məlumat yayıb.

Şirkət, həmçinin Rusiyadan qeyri-vacib idxal və ixracı dayandırıb.

"Ukraynada müharibə davam etdikcə fəaliyyətimiz qazanc əldə etməkdənsə, uşaq qidası və tibbi məhsulların təmin edilməsinə yönəldiləcək. Bu yanaşma məqsəd və dəyərlərimizə uyğundur", - məlumatda bildirilir.

Şirkət, həmçinin bildirib ki, gələcəkdə Rusiyada qazanc əldə etməyi və ya hər hansı vergi ödəməyi gözləmir. Satışdan əldə edilən bütün gəlir humanitar yardım təşkilatlarına bağışlanacaq.

"Bu, Ukrayna əhalisinə və qonşu ölkələrdəki qaçqınlara dəstək olmaq üçün artıq göndərdiyimiz yüzlərlə ton ərzaq yardımına əlavədir. Və bu səylər davam etdiriləcək. Biz Ukrayna xalqını və oradakı 5 800 əməkdaşımızı dəstəkləyirik", - şirkət bəyan edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.