Mədəniyyət

“Məşqətə- mənim tarixim” adlı tədbir keçirilib - FOTO

17 Aprel 2026 15:32

Baxış: 281

VTB-də minimal faiz dərəcəsi ilə nağd kredit 9.9%-dən

Beynəlxalq Muğam Mərkəzində "Məşqətə - mənim tarixim" adlı tədbir keçirilib.

Yazıçı - dramaturq İlqar Fəhminin aparıcılığı ilə baş tutan gecədə bu gün də qəzəl və şeirləri dillər əzbəri olan, muğam ifaçılarının repertuarında geniş yer tutan Seyidağa, Şəfai, Ələkbər Şahid, Ələkbər Bakir, Səyyaf, Rüstəm Samid kimi şairlərin yaradıcılığından söz açılıb.

Tədbirdə Əməkdar artist, Özbəkistanın Mədəniyyət səfiri, BMM-nın direktoru Sahib Paşazadə çıxış edərək Əhsən Dadaşov, Əlibaba Məmmədov və digər görkəmli sənətkarların Azərbaycan musiqisi və mədəniyyətindəki rolundan söz açıb.

Əməkdar mədəniyyət işçisi Rahib Azəri, şərqşünas alim Heybət Heybətov çıxışlarında görkəmli incəsənət ustaları Əlibaba Məmmədov, Şövkət Ələkbərova, Əhsən Dadaşov, Mirzə Babayev, Elmira Şabanova, Yaşar Nuri və digərlərinin sənət yoluna işıq salıblar, elm adamları Əlifəttah Şahbazov, Seyidağa Axundzadə və başqaları ilə bağlı xatirələrini bölüşüblər.

Gecə xanəndələrin ifaları ilə davam edib. Qiraətçi Hüseynağa Aslanovun ifasında poeziya nümunələri səslənib. Xalq artisti Teyyub Aslanov, Əməkdar incəsənət xadimi Aqil Məlikov, BMM-nin solistləri Mirələm Mirələmov, Kamilə Nəbiyeva, Məmməd Nəcəfov, Hüseyn Məlikov, Günay İmamverdiyeva, xanəndə Fərid Əliyev, tanınmış ifaçılar Nizami Əliyev və Şəmsi Məmmədovun ifaları böyük maraqla qarşılanıb. Xanəndələri Saleh Salahov (tar), Ceyhun Muradov (kamança), Məhta Məhəmmədəlizadə (qanun), Rafael Əsgərov (balaban) və Emin Cəbrayılov (nağara) müşayiət edib.

İnformasiya dəstəyi - Trend.Az, Day.Az, Milli.Az