“Azərbaycan milli mətbəxi” sərgisinin açılışı olub - FOTO

Shah Palace Hotel-ində KamART İncəsənət Qalereyasının gənc rəssamlarının "Azərbaycan Milli Mətbəxi" adlı rəsm sərgisinin açılışı olub.

Sərgidə 26 müəllifin kətan üzərində 55 əsəri təqdim olunub. Sərgi Azərbaycan mətbəxinin rəngarəngliyini əks etdirir: ət xörəkləri və xəmir məmulatları, dolma, kabablar, süd və un məhsulları, qəlyanaltılar, turşu və şirniyyatlar, şərbət və mürəbbə - Azərbaycanın müxtəlif bölgələrinin mətbəxini nümayiş etdirən maraqlı və rəngarəng kompozisiyalar. Sərgidə Novruz Novruzov və Gülnar Səfərovanın işlədiyi sərginin işlərinin kataloqu nümayiş etdirilib.

Layihənin ideya müəllifi və kuratoru, KamART rəsm qalereyasının direktoru, Azərbaycan Dövlət Mədəniyyət və İncəsənət Universitetinin baş müəllimi Kəmalə Cəfərzadə toplaşan qonaqları salamlayaraq, bu layihənin ideyasının necə yarandığını ətraflı izah edib. sərginin məqsədinin Azərbaycanın mədəni irsinə və kulinariya ənənələrinə diqqəti cəlb etmək və istedadlı gənc rəssamlara dəstək olmaq olduğunu qeyd edib.

Tədbirin açılışında Azərbaycan Rəssamlar İttifaqı sədrinin müavini, Azərbaycanın xalq rəssamı, professor Ağəli İbrahimov, Azərbaycanın əməkdar mədəniyyət işçisi, Azərbaycan Kulinariya Rəssamları Milli Assosiasiyasının prezidenti Tahir ƏmiraslanovAzərbaycan, Azərbaycanın əməkdar rəssamı, Azərbaycan Dövlət Mədəniyyət və İncəsənət Universitetinin dosenti Rəşad Cabarov və tanınmış rəssam, beynəlxalq müsabiqələr laureatı Samir Qafarov iştirak ediblər.

Bu il martın 16-17-də Azərbaycanın Yaponiyadakı səfirliyinin dəstəyi ilə Tokioda "Azərbaycan mətbəxi" sərgisi təqdim olunub və yaponların böyük marağına səbəb olub. Sərgi 15 gənc müəllifin 32 əsərindən ibarət idi.

Sərginin bütün iştirakçıları diplom, Tair Əmiraslanov, Rəşad Cabarov və Samir Qafarov isə təşəkkürnamə ilə təltif olunublar.

Gənc rəssamlar sərgi qonaqlarına öz əsərləri, kompozisiyaları, eləcə də milli mətbəxə baxışları barədə məlumat veriblər. Sərginin məqsədi diqqəti Azərbaycanın mədəni irsinə və kulinariya ənənələrinə cəlb etmək və istedadlı gənc rəssamlara dəstək olmaqdır.

İnformasiya dəstəyi -  Trend.Az, Day.Az, Milli.Az, Azernews.Az