Bakıda sürət həddini aşan sürücü qəza törədib - VİDEO - FOTO

Bakının Nəsimi rayonunda sürət həddini aşan sürücü qəzaya səbəb olub. Milli.Az APA-ya istinadən bildirir ki, hadisə rayonun Cavadxan küçəsində qeydə alınıb. Yüksək sürətlə hərəkət edən "Tofaş" "Hyundai"la toqquşub. Qəza zamanı sürücülər xəsarət almasalar da, avtomobillərə ciddi ziyan dəyib. Hadisə yerinə Dövlət Yol Polisini Nəsimi Rayon Şöbəsinin əməkdaşları gəliblər. Aparılan ilkin araşdırmalar nəticəsinə məlum olub ki, "Tofaş"ın sürücüsü avtomobili yüksək sürətlə idarə edərək, yolda bir neçə dəfə qəza şəraiti yaradıb.

Hər iki avtomobil evakuator vasitəsi ilə hadisə yerindən uzaqlaşdırılıb.
 
Faktla bağlı Nəsimi Rayon Yol Polisi şöbəsində araşdırma aparılır.

Milli.Az

Böyütmək üçün şəkillərə klikləyin.



Videonu izləmək üçün şəklə klikləyin.