Bakıda mənzillərə divan tutan oğru dəstəsi peyda olub

Bakının Xətai rayonu ərazisində mənzil oğruları peyda olublar. Onlar ötən gün bir neçə saat ərzində iki mənzildən külli miqdarda pul və qızıl aparıblar.

Dünən İsgəndər Əzimovun evinə girən oğrular 7900 manat, 3000 manat dəyərində qızıl oğurlayıblar. Onlar ev sahibləri evdə olmayan zaman pəncərələri çıxararaq içəri daxil olublar.

Təxminən eyni vaxtda Maya Vəliyevaya məxsus evə də oğrular giriblər. Qapını açarseçmə üsulu ilə açan şəxslər evdən 1500 manat pul, 1000 manatlıq qızıl və noutbuk oğurlayıblar.

Xətai Rayon Polis İdarəsindən Milli.Az-a bildirildi ki, oğruların tutulması istiqamətində əməliyyat tədbirləri aparılır.

Anar Məmmədov
Milli.Az