Bakıda Facebook "razborkası": bıçaq ürəyə sancıldı - YENİLƏNİB

13:04

Bakıda törədilən Facebook cinayətinin "qəhrəman"ı məlum olub. Daxili İşlər Nazirliyinin mətbuat xidmətindən Milli.Az-a verilən məlumata görə, məktəblini Facebook mübahisəsi üstündə öldürənin Tovuz rayon sakini Elsevər Məmmədov olması müəyyənləşdirilib.

Cinayət işinin istintaqını Bakı Şəhər Prokurorluğu aparır.

----------
11:01

Bakıda Facebook yazışması qanlı sonluqla bitib. Məktəbli oğlan amansızlıqla öldürülüb.

Binəqədi rayonunda 16 yaşlı Mobil Abdullayev hələlıik adı açıqlanmayan şəxslə yazışıb və bir-birini söyüblər. Mübahisəni həll etmək üçün Binəqədi şossesində, "Davud market"in qarşısında görüş təyin ediblər. Görüş yerinə gələn həmin şəxs Mobilə çoxsaylı bıçaq zərbələri vurub. Orta məkrtəbin 10-cu sinfində oxuyan Mobili ağır vəziyyətdə 1 saylı şəhər Xəstəxanasına aparsalar da, onun həyatını xilas etmək mümkün olmayıb.

Binəqədi Rayon Polis İdarəsindən Milli.Az-a bildirildi ki, qətli törədən şəxs müəyyən edilib. Hazırda onun tutulması üçün tədbirlər görülür.

Anar Məmmədov
Milli.Az