Azərbaycanda minik avtomobilləri toqquşdu: 4 yaralı - FOTO

Milli.Az Regional TV-yə istinadən bildirir ki, fevralın 25-i, axşam saatlarında Quba şəhəri, Məşədi Əzizbəyov küçəsində yol nəqliyyat hadisəsi baş verib.

1985-ci il təvəllüdlü, Ağdam rayon sakini Elçin Cavadovun idarə etdiyi 10 KJ 611 qeydiyyat nişanlı "Tofaş" markalı avtomobil qarşıdan gələn, 1974-cü il təvəllüdlü, Quba rayon sakini Elçin Sultanovun idarə etdiyi 10 EJ 454 qeydiyyat nişanlı "VAZ 2109" markalı nəqliyyat vasitəsi ilə toqquşub. Nəticədə hər iki sürücü və sərnişinlər - 1980-ci il təvəllüdlü, Beyləqan rayon sakini Vüsal Rüstəmov, 1987-ci il təvəllüdlü, Bakı şəhər sakini Anar Məhərrəmov müxtəlif dərəcəli xəsarətlər alıblar. Yaralılar Quba Mərkəzi Rayon Xəstəxanasının cərrahiyyə şöbəsinə yerləşdiriliblər.

Tibb müəssisəsinin növbətçi həkimi Sərraf Mahmudovun RTV-yə verdiyi məlumata görə, hər iki sürücünün vəziyyəti orta-ağırdır, onlar palata şəraitində müalicə alırlar. Digər 2 yaralı isə ilkin tibbi yardımdan sonra ambulator müalicə üçün evə buraxılıb.

Hadisənin başvermə səbəbləri hələlik məlum deyil. Faktla bağlı Quba Rayon Polis Şöbəsində araşdırma aparılır.

Milli.Az

Böyütmək üçün şəkillərə klikləyin.