Məhbusdan qadağan olunmuş dərman tapıldı - FOTO

Bakı İstintaq təcridxanasında saxlanılan şəxsdən gödəkcənin cibindən şəffaf sellofan bükülüdə 16 ədəd yaşıl rəngli "Tramadol" həbləri aşkar edilərək götürülüb

Ədliyyə Nazirliyi Penitensiar Xidmətinin əməkdaşları tərəfindən həyata keçirilmiş əməliyyat-axtarış tədbirləri nəticəsində Bakı İstintaq təcridxanasında saxlanılan şəxsdən qadağan olunan vasitələr götürülüb.

Anspress-in xidmətin ictimaiyyətlə əlaqələr şöbəsinə istinadən verdiyi məlumata görə, Kamran Barat oğlu Məmmədovun üzərinə baxış keçirilərkən, əynində olan gödəkcənin cibindən şəffaf sellofan bükülüdə 16 ədəd yaşıl rəngli "Tramadol" həbləri aşkar edilərək götürülüb.

Qeyd edək ki, Kamran Məmmədov Cinayət Məcəlləsinin 234.1 maddəsi ilə təqsirli bilinərək həbs olunub. Fakt üzrə araşdırma aparılır.

Milli.Az

Böyütmək üçün şəkillərə klikləyin.