Azərbaycanda iki maşın toqquşdu: 4 məktəbli yaralandı - YENİLƏNİB - FOTO

Samux rayonunda yol-nəqliyyat hadisəsi qeydə alınıb

09:10

Trend Kəpəz TV-yə istinadən məlumat verir ki, rayonun Alıuşağı kəndi ərazisində "Chevrolet Aveo" markalı avtomobillə "VAZ 21099" markalı maşın toqquşub. Nəticədə "VAZ"ın sürücüsü 16 yaşlı Samux rayon sakini Hüseyn Hüseynzadə, sinif yoldaşları 17 yaşlı Röyal Nağıyev və Mehman Məmmədov ağır, 16 yaşlı Şamxal Əliyev isə yüngül bədən xəsarətləri alaraq Gəncə Şəhər Təcili Tibbi Yardım Xəstəxanasına gətiriliblər.
 

Yaralılardan H.Hüseynzadə və R.Nağıyevə cərrahi müdaxilə göstərilib, vəziyyətləri ağırdır. Şamxal Əliyevə isə ambulator yardım edilib. Digər avtomobil "Chevrolet Aveo"nun şəxsiyyəti hələlik məlum olmayan sürücüsü isə qəzadan heç bir xəsarət almadan qurtulub.

Qeyd edək ki, bundan əvvəl hadisə nəticəsində 5 nəfərin xəsarət aldığı bildirilirdi.

Hadisə nəticəsində hər iki avtomobil yararsız hala düşüb. İlkin ehtimala görə, qəzanın baş verməsinə səbəb "Chevrolet Aveo"nun yüksək sürətlə idarə olunması və ara məsafəsinin düzgün seçilməməsi olub.
 

Hadisənin dəqiq səbəbləri avtotexniki ekspertizadan sonra bəlli olacaq.

Faktla bağlı Samux rayon Polis Şöbəsində araşdırma aparılır.

Milli.Az

-----------
10:49

Böyütmək üçün şəkillərə klikləyin.