Azərbaycanda iki avtomobil toqquşub yandı: ölənlərdən biri telekanal əməkdaşıdır - YENİLƏNİB - FOTO

DİN İTV-nin operatorunun ölümü ilə bağlı rəsmi məlumat yaydı

16:39

DİN İctimai TV-nin operatorunun ölümü ilə bağlı rəsmi məlumat yaydı.

Trend Daxili İşlər Nazirliyinin (DİN) rəsmi saytına istinadən xəbər verir ki, sentyabrın 18-də saat 00:30 radələrində Sabirabad rayonu ərazisində Samir Novruzovun idarə etdiyi "Nissan" markalı və Tural Bağırovun idarə etdiyi "Tofaş" markalı avtomaşınlar toqquşub.
 

Nəticədə hər iki sürücü hadisə yerində ölüb.

Faktla bağlı Sabirabad RPŞ tərəfindən araşdırma aparılır.

Qeyd edək ki, "Tofaş" markalı avtomobilin sürücüsü Tural Bağırov İctimai TV-də operator vəzifəsində çalışırdı.

----------
09:24

Ötən gecə Sabirabad rayonunda iki nəfərin ölümü ilə nəticələnən yol qəzası baş verib. Musavat.com-un Fövqəladə Hallar Nazirliyinin internet saytına istinadən verdiyi məlumata görə, Sabirabad rayonu, Kürkəndi kəndində 1984-cü il təvəllüdlü Novruzov Samir Sabir oğluna məxsus "Nissan" markalı minik avtomobili sahibi məlum olmayan digər vətəndaşa məxsus "Tofaş" markalı maşınla toqquşub. Nəticədə "Nissan" markalı avtomobilin mühərrik hissəsi yanmışdır. Qəza nəticəsində hər iki avtomobilin sürücüləri ağır bədən xəsarətləri ilə hadisə yerində ölüb və yanğınsöndürənlər tərəfindən avtomobildən çıxarılıb. Yanğın saat 00:13-də söndürülüb. Hadisə ilə əlaqədar müvafiq qurumlar tərəfindən təhqiqat aparılır.

Musavat.com-un əldə etdiyi məlumata görə, "Tofaş"ı İTV-nin bölgə müxbiri Tural Bağırov idarə edib. O, əvvəllər ANS telekanalında da işləyib.

------------
08:49

Sabirabadda ağır yol qəzası baş verib, 2 nəfər ölüb. Bu barədə Trend məlumat verib.

Sabirabad rayonu, Kürkəndi kəndində 1984-cü il təvəllüdlü Novruzov Samir Sabir oğluna məxsus "NİSSAN" markalı minik avtomobili sahibi məlum olmayan digər vətəndaşa məxsus "TOFAŞ" markalı minik avtomobili ilə toqquşub. Nəticədə "NİSSAN" markalı avtomobilin mühərrik hissəsi yanıb.

Qəza nəticəsində hər iki avtomobilin ağır bədən xəsarətləri alan sürücüləri hadisə yerində vəfat edib və yanğınsöndürənlər tərəfindən avtomobildən çıxarılaraq aidiyyatı üzrə təhvil veriliblər.

Yanğın saat 00:13-də yanğınsöndürənlər tərəfindən söndürülüb.
Hadisə ilə əlaqədar müvafiq qurumlar tərəfindən təhqiqat aparılır.

Milli.Az

----------
12:57

Böyütmək üçün şəkillərə klikləyin.



Foto: musavat.com