Avtomobil yoldan çıxdı, bir ailənin 4 üzvü yaralandı - VİDEO

Milli.Az Kanal S-ə istinadən xəbər verir ki, bir ailənin 4 üzvü ağır yaralanıb. Sözügedən hadisə avqustun 18-də Ağsu rayonu ərazisində qeydə alınıb.

Yol qəza hadisəsi Muğanlı-İsmayıllı yolunun 11 km-də, Ağsu rayonu ərazisində baş verib. İsmayıllıdan Şamaxı istiqamətində yüksək sürətlə hərkətdə olan "Tofaş" markalı avtomobilin sürcüsünün idarəetməni itirməsi qəzanı qaçılmaz edib.

Yoldan çıxan avtomobil bir neçə dəfə yuvarlanaraq, yolun sağ tərəfinə düşüb. Qəza zamanı, xoşbəxtlikdən, ölüm faktı qeydə alınmayıb. Ancaq avtomobildə olan 5 nəfər müxtəlif dərəcəli bədən xəsarətləri alıb. Onlardan 4-ü bir ailənin üzvüdür.

Xəsarət alanlar dərhal Şamaxı Rayon Mərkəzi Xəstəxanasına gətirilib və orada yaralılara ilkin yardım göstərilib. Hazırda onların müalicəsi davam etdirilir. Xəstələrdən birinin vəziyyəti ağır olaraq qalmaqdadır. Faktla əlaqədar Baş Dövlət Yol Polis İdarəsinin istintaq bölməsində cinayət işi başlanıb, araşdırma aparılır. Qəzanın dəqiq səbəbləri aparılacaq araşdırmalardan sonra bəlli olacaq.

Milli.Az

Videonu izləmək üçün şəklə klikləyin.