Azərbaycanlının İrandan narkotik gətirmək cəhdi baş tutmadı

Dövlət Gömrük Komitəsinin mətbuat xidmətindən Trend-ə verilən məlumata görə, Biləsuvar Gömrük İdarəsinin "Qoşa Təpə" gömrük postunda İran İslam Respublikasından Azərbaycan Respublikasına piyada gələn Azərbaycan vətəndaşı Şaiq Məmmədovun üzərində şəxsi yoxlama aparılıb.

Yoxlama zamanı ondan sintetik narkotik vasitə sayılan 4 ədəd metadon adlı həb, eləcə də 1 ədəd bükümdə xalis çəkisi 2,013 qram olan tiryək aşkar edilərək götürülüb.

Qeyd edək ki, metadon həbi "Azərbaycan Respublikasının ərazisində dövriyyəsi məhdudlaşdırılan narkotik vasitələrin" II Siyahısına daxildir və 4 ədəd həbdə metadonun təsiredici maddəsinin ümumi miqdarı 0,08 qram təşkil edir.

Milli.Az