Hadisə, Kriminal

Azərbaycan səhəri dəhşətli qəza ilə açdı: 2 ölü, 3 yaralı - YENİLƏNİB

25 Mart 2013 17:49

0 Şərh Baxış: 2 175

VTB-də minimal faiz dərəcəsi ilə nağd kredit 9.9%-dən

#AZERBAİJAN #TOFAS TURK OTOMOBİL FABRİKASİ AS

17:49

Bakı-Qazax yolunda baş verən ağır avtomobil qəzası zamanı ölən 2 nəfərin və xəsarət alan 3 nəfərin adı məlum olub. APA-nın məlumatına görə, martın 25-də səhər saat 10:00 radələrində Kürdəmirin Karrar kəndi ərazisində "Tofaş", "VAZ 2109" və "VAZ 2107" markalı minik maşınlarının toqquşması nəticəsində 1955-ci il təvəllüdlü Abdullayev Yaqub Musa oğlu, 1937-ci il təvəllüdlü Səmədov Rafiq Lətif oğlu aldığı xəsarətlər səbəbindən dünyasını dəyişib, 1955-ci il təvəllüdlü Səmədova Ülkər Cəlil qızı, 1988-ci il təvəllüdlü Səmədova Qərənfil Canpolad qızı, 1988-ci il təvəllüdlü Səmədov Lətif Rafiq oğlu isə ağır bədən xəsarətləri ilə Kürdəmir Rayon Mərkəzi Xəstəxanasına yerləşdiriliblər.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən cinayət işi açılıb, araşdırma aparılır.

---------
10:48

Kürdəmir rayonu ərazisində dəhşətli yol qəzası olub.

Fərid adlı oxucunun Milli.Az-a verdiyi məlumata görə, bu gün saat 10 radələrində "VAZ 2109" və "Tofaş" markalı avtomobillər toqquşub.

Qəza Kürdəmir rayonunun Karrar kəndi ərazisində baş verib.

Qəza zamanı 3 nəfər yerindəcə keçinib. "VAZ-2109"un sürücüsü isə xəsarət alıb. Ölənlərdən biri "Tofaş" markalı avtomobilin sürücüsüdür.

Qəza yolda hərəkətin dayanmasına səbəb olub.

Baş Dövlət Yol Polisi İdarəsindən Milli.Az-a fakt təsdiqlənsə də, ətraflı məlumat verilmədi. Qəza bir neçə dəqiqə əvvəl baş verdiyindən hadisənin təfərrüatı barədə məlumat yoxdur.

Anar Məmmədov

Milli.Az