Bakıda iki avtomobil toqquşub, yaralılar var

Bakının Sabunçu rayonunda sürücülərin xəsarət alması ilə nəticələnən yol nəqliyyat hadisəsi baş verib.

Anspress xəbər verir ki, Sabunçu-Zabrat yolunda baş vermiş avtoqəzada 45 yaşlı Asif Muxtarovun idarə etdiyi "Tofaş" markalı avtomaşınla 37 yaşlı Tohid Quliyevin idarə etdiyi "Hyundai" markalı minik maşını toqquşub. Avtomobillər toqquşduqdan sonra "Tofaş" markalı avtomaşın zərblə yolun kənarındakı daş səkiyə də dəyib. Nəticədə hər iki sürücü xəsarət alaraq 3 saylı şəhər klinik xəstəxanasına yerləşdirilib. Onlardan Asif Muxtarovun vəziyyətinin daha ağır olduğu bildirilir.

Yol qəzasının baş verməsi səbəbləri Sabunçu Rayon Polis İdarəsinin əməkdaşları tərəfindən araşdırılır.

Milli.Az