Kriminal

Azərbaycanda sürücülərin qənimləri tutuldu

5 Dekabr 2014 21:56

1 Şərh Baxış: 2 688

VTB-də minimal faiz dərəcəsi ilə nağd kredit 9.9%-dən

#POPULYAR XƏBƏRLƏR #KRİMİNAL #KAMAZ JSC

Elnur Hüseynov və Cavid Şirinov akkumlyatorları ucuz qiymətə satırmışlar

Biləsuvar polisi gecə saatlarında ağır tonnajlı yük maşınlarına qənim kəsilən oğruları zərərsizləşdirə bilib.

Milli.Az anspress-ə istinadən xəbər verir ki, oğrular maşınlardan oğurladıqları akkumulyatorları Biləsuvar və Cəlilabad bazarlarında dəyər dəyməzinə satıblar.

Biləsuvar şəhər sakini Elnur Hüseynovun yaxın tanışı Cavid Şirinovla birgə asan pul qazanmaq istəyi onların yolunu yenidən rayon polis şöbəsindən salıb. İki gün ərzində "KamAZ" markalı maşınlardan 8 ədəd akkumulyator oğurlayan dostların növbəti əməliyyatı uğursuz olub.

Müstəntiq, Fərid Sultanlı bildirib ki, Elnur Hüseynov tanışı Cavid Şirinovla birlikdə gecə saatlarında Biləsuvar şəhəri ərazisində küçədə dayanmış "KamAZ" markalı maşınların üzərindən akkumlyatorları oğurlayıblar. Onların bu hərəkətləri nəticəsində zərərçəkmişlərə ümumikdə 1200 manatdan artıq maddi ziyan dəyib. Həmin oğurladıqları akkumulyatorları Elnur Hüseynov və Cavid Şirinov Biləsuvar və Cəlilabad şəhərlərinin bazarlarında aşağı qiymətlərə sataraq pul əldə ediblər.

Bundan əvvəl narkotiklərin qanunsuz dövriyyəsinə görə məhkumluq həyatı yaşayan Cavid ilkin istintaqa ifadəsində törətdiyi əməldən peşman olduğunu dilə gətirib. 2-ci dəfə oğurluq etdiyinə görə qanun qarşısında cavab verməli olan Elnur isə oğurladıqları akkumulyatorları dəyərindən qat qat aşağı satdığını bildirib.

Faktla bağlı Biləsuvar rayon polis şöbəsində cinayət məcəlləsinin müvafiq maddələri ilə cinayət işi başlanıb. İstintaq "silahdaşların" digər oğurluq hadisələrində iştiraklarının olub-olmadığını araşdırır.

Milli.Az

Milli.Az - Xəbər Portalı

Azərbaycanda sürücülərin qənimləri tutuldu

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?