Ölkə

Dərslər bu tarixdən yenidən bağlana bilər - Təhsil eksperti AÇIQLADI

13 Oktyabr 2021 14:57
3 Şərh     Baxış: 20 440

"Bildiyiniz kimi hazırda dərslər ənənəvi qaydada davam edir. Yalnız hansısa bir məktəbdə, və yaxud da orta ümumtəhsil müəssisələrinin hər hansı bir sinifində virusa yoluxma faktları varsa, o zaman lokal qapadılmaya gedilir. Yəni həmin siniflər 14 gün müddətinə karantinə alınır". 

Bunu Milli.Az-a açıqlamasında təhsil eksperti Elçin Əfəndi deyib.

Ekspert bildirib ki, ən geci iki həftə sonraya müəyyən ərazilər üzrə məktəblər qapadıla bilər:

"Son dövrlər mövsümü xəstəliklərin də daha çox baş qaldırdığını nəzərə alsaq, hazırda demək olar ki, məktəblərdə ümumiyyətlə davamiyyət aşağı düşüb. Bir çox valideyinlər övladlarını məktəbə buraxmırlar. Koronavirusun əlamətləri ilə qripin əlamətləri demək olar ki, eynilik təşkil etdiyi üçün hazırki durumda valideyinlər narahatdırlar ki, övladları koronavirusa yoluxa bilərlər. Buna görə də övladlarını məktəbə buraxmırlar. Belə olan halda da təbii ki, şagird ölümü artıq bir həyəcan siqnalı kimi görünür. Bu, qarşıdakı dövr ərzində əgər bu şəkildə davam edərsə, ən azından iki həftə sonraya əlbəttə, ciddi fəsadlar verməkdə davam edəcəyi halda bəzi ərazilər üzrə qapadılmalara gedilə bilər, yenidən distant təhsilə keçid alına bilər. Amma bu kimi halların qarşısının alınması üçün istər ümumtəhsil müəssisələrinin rəhbərləri, eyni zamanda müvafiq aidiyyatı qurumlar dərslərin ənənəvi qaydada davam etməsini istəyirlərsə, izolyasiya qaydalarına tam riayət etmələri ilə bağlı mütləq məsuliyyətlə yanaşmalıdırlar. 

Biz artıq görürük ki, yoluxma halları getdikcə artır. Ən geci iki həftə sonraya artıq müəyyən ərazilər üzrə qapadılmalara gedilə bilər. Ölüm hallarına təkcə şagirdlər arasında deyil, eyni zamanda müəllimlər və məktəb rəhbərləri arasında da rast gəlinir. Sumqayıtda bir gündə həm şagird, həm də məktəb direktoru dünyasını dəyişib. Məhz koronavirusdan dünyalarını dəyişdikləri qeyd olunub".

Təhməz Əsədov
Milli.Az

35 000 AZN-dək krediti ONLAYN sifariş et!

Şərh yaz:

3 Şərh:

  • Anonim
    Qonaq · 13 Oktyabr 15:49110

    Onda niye peyvənd yaşını 12 etdiz ? Onda niye peyvend vurdurursuz millete? Onda niye 3 cür doza deyirsiz ? Bağlanma olacaqsa demekki içi siz daxil tebibin millete verdiyi söz yalan imiş. Demek ki o peyvəndin terkibi başqadı. Allah bilir ne zeher var. Milleti ələ salıbsiz? Bir terefden peyvənd diğer terefden qapanma deyirsiz? Uşaqlarımızın GELECEYİNi məhv edirsiz hele anlamirsiz bunu ? Yalandan milleti ələ saldınız dediniz peyvənd etdirin yeniden evvelki həyat demək ki Təbib və onun trollari millete peyvənd etmir çünki yalançısiz

    Cavab yaz
  • Anonim
    Qonaq · 13 Oktyabr 15:5060

    Sizin bu demeyinizden sonra yani yalanciliginizdan sonra hansı valideyn uşağına peyvend etdirər. Yalançı adama niye inansinki

    Cavab yaz
  • Anonim
    aaaa. · 13 Oktyabr 15:5910

    vayyy

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.