Ölkə

Pişiyin ayağının kəsilməsinə görə kababçı cərimələnəcək? - VİDEO

19 İyul 2021 10:24
Baxış: 1 614

Sosial şəbəkələrdə "Sədərək" Ticarət Mərkəzində kafelərin birində pişiyin bir ayağının kəsilməsinə görə ittiham olunan kababçının İnzibati Xətalar Məcəlləsinin 274-cü maddəsi ilə cərimələndiyi haqda məlumatlar yayılıb.

Milli.Az xəbər verir ki, DİN Mətbuat xidmətinin şöbə rəisi, polis mayoru Elşad Hacıyev qafqazinfo-ya bildirib ki, məsələ ilə bağlı hazırda araşdırma aparılır:

"İnzibati xətalar qanunvericiliyinə uyğun olaraq, həmin şəxsin pişiklə qəsdən rəhmsiz davranması, tələf etməsi araşdırmalarla sübuta yetirilsə, İnzibati Xətalar Məcəlləsininn 274-cü maddəsinə (Heyvanlarla rəhmsiz rəftar edilməsi ) uyğun olaraq, barəsində müvafiq tədbir görüləcək".

Bildirək ki, heyvanlarla rəhmsiz davranmaqla onların şikəst və ya tələf edilməsinə görə beş yüz manat məbləğində cərimə nəzərdə tutulur.

Qeyd edək ki, məsələ ilə bağlı Qaradağ Rayon Polis İdarəsində toplanan materiallar araşdırılması üçün rayon prokurorluğuna göndərilib.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.