Ölkə

Azərbaycanda əhalinin yalnız 20 faizi idmanla məşğul olur - Maraqlı statistika

11 Dekabr 2019 09:05
2 Şərh     Baxış: 829

Azərbaycanda əhalinin yalnız 20,7 faizi idmanla məşğul olur.

Milli.Az Trend-ə istinadən xəbər verir ki, 2018-ci ildə aparılmış ev təsərrüfatları tədqiqatının məlumatlarına əsasən, ölkədə 15-19 yaşlı əhalinin 41,4 faizi, 20-44 yaşlı əhalinin 27,6 faizi, 45-64 yaşlı əhalinin 11,9 faizi idman edir.

İdmanla məşğul olan kişilərin sayı qadınlara nisbətən daha çoxdur. Azərbaycanın kişi əhalisinin 30,8 faizi idmanla məşğul olur. Ölkədə 15-19 yaşlı kişilərin 52,7 faizi , 20-44 yaşlı kişilərin 40,6 faizi, 45-64 yaşlı kişilərin 17,5 faizi, yaşı 65-dən çox olan kişilərin 8,9 faizi idmanla məşğuldur.

Qadınlara gəldikdə isə, onların yalnız 11,4 faizi idmanla məşğul olur.

Azərbaycandakı 15-19 yaşlı qadınların 29,5 faizi , 20-44 yaşlı qadınların 14,3 faizi, 45-64 yaşlı qadınların 7,2 faizi, yaşı 65-dən çox olan qadınların 2,6 faizi idman edir.

Qeyd edək ki, Ümumdünya Səhiyyə Təşkilatı (ÜST) qeyri-aktiv həyat tərzi və fiziki hərəkətsizliyi dünya üzrə ölümə səbəb olan dördüncü əsas risk amili kimi qiymətləndirir. Dünyada hər 3-cü şəxs kifayət qədər aktiv həyat yaşamır.

Milli.Az

loading...

Şərh yaz:

2 Şərh:

  • Anonim
    Aninim · 11 Dekabr 2019 09:4010

    Ona görə ki şəxsən mən öz adıma deyirəm idman zallarında dəri xəstəliyi var oğlum güləşə gedirdi həvəsidə var xəstə yarası olan uşaq gəldiyi üçün oğlumu çıxartdım nəzarət yoxdu öz başnalıqdı

    Cavab yaz
  • Anonim
    ALLAH BƏNDƏSİ · 11 Dekabr 2019 12:5310

    insanlari ela guna qoymamisiz ki. kimsa idmanla mashgul olsun. hami chorak dalinca qachirlar.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.