Ölkə

Bakıda heç bir binaya istilik verilmir - Borca görə “Azəriqaz” qadağa qoydu

16 Noyabr 2019 13:56
14 Şərh     Baxış: 2 427

Noyabrın 15-dən qanuna uyğun olaraq Bakı şəhərində binalara istiliyin verilməsinə başlanılmalı idi. Lakin bu gün paytaxtın bir neçə rayonundan saytımıza müraciət edən vətəndaşlar hələ də istiliyin verilmədiyindən şikayətləniblər. 

Milli.Az xəbər verir ki, qafqazinfo məsələ ilə bağlı "Azəristiliktəchizat"a müraciət edib. Qurumun abonentlərlə xidmət şöbəsinin müdiri Rafiq Əliyev bildirib ki, "Azəriqaz" onların qazanxanalarına qaz vermədiyi üçün binaları istiliklə təmin etmək mümkün deyil:

"Bu problem bizim "Azəriqaz"a olan borca görə yaranıb. Borcun artması da qazın və istiliyin qiymət fərqinə görədir. İstilik tarifləri qazın tarifindən çox aşağı olduğu üçün abonentlər borclarını tam ödəsə belə, biz "Azəriqaz"a olan borcu ödəmək gücündə deyilik. Hökümətə də, "Azəriqaz"a da müraciət etmişik. Keçən ilki borcları dövlət tənzimlədi, qalan borcla bağlı danışıqlar gedir". 

"Azəriqaz"ın mətbuat katibi Ceyhun Səfərov sayta açıqlamasında məlumatı təsdiqləyib: ""Azəristiliktəchizat"in "Azəriqaz"a olan borc məsələsi həll olunana qədər qazın verilməsinə icazə verilmir. Danışıqlar aparılır, yaxın müddətdə, yəqin ki, bu problem həllini tapar. Biz ayrı-ayrı qazanxanalarla yox, "Azəristiliktəchizat"la işlədiyimiz üçün bütün Bakı üzrə qazanxanalara qazın verilişi dayandrılıb. Bu gün "Azəristiliktəchizat"ın "Azəriqaz"a olan borcu 29 milyon manatdan çoxdur".

Qeyd edək ki, bir neçə gün əvvəl  "Azəristiliktəchizat" ASC-nin sədr müavini İlham Mirzəliyev mətbuat konfransında yeni mövsümə hazır olduqlarını bildirib. O qeyd edib ki,  gücləndirilmiş iş rejimi keçiriləcək və bütün qazanxanalar tam işə başlayacaq.

Milli.Az

loading...

Şərh yaz:

14 Şərh:

  • Anonim
    qaqani · 16 Noyabr 14:00100

    Bele biyabirciliq olar ozderide bilmir ne danisir millet soyuqdan qirilir

    Cavab yaz
  • Anonim
    semed · 16 Noyabr 14:0450

    Xırdalanda görəsən istilik sistemi nə vaxt qurulacaq. Ufuqdə görunurmu?

    Cavab yaz
  • Anonim
    Anonimka · 16 Noyabr 14:09120

    Zato"qonşuların"kilselerine pulsuz qaz verirler

    Cavab yaz
  • Anonim
    Anar · 16 Noyabr 14:46110

    O gun xeberlerde dediler ki ayin 15 istilik verilecek her sey hazirdi azeriqazin resis uavini danisdi qaz borcu ile hec bir problem olmayacaq dedi bes inde ne oldu borc gundeme geldi butun yayi yiyib icib kef edirler qis geldi soyuqlar dusdu istilik verme baslayanda borc yada dusur Bu gun sabah bunlarinda istefasini esidersiz

    Cavab yaz
  • Anonim
    Mizi · 16 Noyabr 15:0410

    Millet bakida kombi zavodun havayi tikibler?

    Cavab yaz
  • Anonim
    // · 16 Noyabr 16:4480

    Kimin kimə borcu olacaq yazıq millət arada qalacaq?

    Cavab yaz
  • Anonim
    Duhan · 16 Noyabr 16:5650

    Bu nevaxd duzeleceh donuruq camaatı aldadırlar gedib idarəetməni Naxçıvandan öyrənsinlər 15 butun binalara isdilik verilib biz ama gozluyeciyihki bunlar nevaxt danışıb hel etsinlər bütün yayı oturub qışda yadlarına düşübmüş borcumuz var

    Cavab yaz
  • Anonim
    Duban · 16 Noyabr 17:0170

    Camaatı doluyublar donuruqe bunlar yayı qoyub qışda düşürler el ayaga

    Cavab yaz
  • Anonim
    Soyuqdan ölən · 16 Noyabr 17:0690

    Onlarin ne vecine hamisi villada yasayir da eziyyet ceken qara camaatdi Guneslide donuruq da

    Cavab yaz
    • Anonim
      Anonimka · 16 Noyabr 17:4040

      Siz ne danışırsız,esas sevimli "qonşularımız",onlara birden soyuq olar,biz soyuqdan olseyde olar,nece ki her il soyuqdan donuruq ,heç kimin de vecine deyil.

      Cavab yaz
  • Anonim
    İNSAN · 16 Noyabr 17:2580

    Acin toxdan ne xeberi butun ili yatiblar istiliyin verilen vaxti borc yada dusur . Gelin sizin usaqlariniz gorum bu soyuqda qala biler ? Allahdan qorxun

    Cavab yaz
  • Anonim
    orbet. · 16 Noyabr 19:2160

    Evlərin istiliklə təchizatı sosialyönümlü məsələdir, hər iki təşkilatda dövlətə məxsusdur, ona görə də dövlət əhalini hər hansı problemə görə istilikdən məhrum etməməlidir, tədbirini görməlidir. Yığımların aşağı olması borcların yaranması məsələsinə də növbəti illərdə həll etmək olar, yatıb qışda ayılmaq lazım deyil, optimal mexanizim hazırlanıb həyata keçirilməlidir, istəsək hər şey edərik, sadəcə istəmək lazımdır

    Cavab yaz
  • Anonim
    Elshen · 16 Noyabr 22:4420

    Mısmıs deyincə birdəfəlik deyin ki qiyməti qaldırırıq.

    Cavab yaz
  • Anonim
    \\\\ · 16 Noyabr 23:2300

    İstifadəçilər üçün heç bir aidiyyəti yoxdur. Əgər borcları yoxdursa onda ayın 15 də istlik sistemləri işə salınmalı idi. Açıq aydın görünür ki sırf 2 dövlət qurumun səriştəsizliyi nəticəsində bu baş verməyib. Problem yeni deyil, köhnədir və bu günə kimi əhali qarşısında öhdəlikləri yerinə yetirmək üçün heç olmasa aralarında müəyyən razılaşmanı əldə edə bilərdilər ki təki iş getsin...vaxtları da çox idi. ƏGƏR İSTƏSƏYDİLƏR BUNU EDƏ BİLƏRDİLƏR.. DEMƏLİ İSTƏMƏDİLƏR...KİMİNSƏ YA KİMLƏRİNSƏ VECİNƏ DEYİL. Görünür ki sərt cəza tətbirlərinə əl atılmalıdır ki gələcəydə belə hal yenidən təkrarlanmasın. Günahkarlar cəzalandırılmalıdır...(əsl cəza olmalıdır, başqa vəzifə verməklə cəza olmur)

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.