Ölkə

Bu il Azərbaycanda insanlar daha çox nədən zəhərlənib?

11 Sentyabr 2019 17:13
0 Şərh     Baxış: 1 658
VTB-də minimal faiz dərəcəsi ilə nağd kredit 9.9%-dən
#CƏMİYYƏT #ZƏHƏRLƏNMƏ

Azərbaycanda yanvar-avqust ayları ərzində 137 nəfər dəm qazından zəhərlənmə şikayəti ilə Səhiyyə Nazirliyinin Kliniki Tibbi Mərkəzinə (KTM) müraciət edib.

Milli.Az xəbər verir ki, bunu Trend-ə KTM-in Toksikologiya şöbəsinin müdiri Azər Maqsudov deyib.

Onun sözlərinə görə, dəm qazından zəhərlənənlərin 6-sı uşaq olub.

Ümumilikdə bu ilin ilk 8 ayı ərzində 71 nəfər ilan, 14 nəfər əqrəb, 6 nəfər qara qurd sancması, 23 nəfər isə sirkə turşusundan zəhərlənmə diaqnozu ilə xəstəxanaya yerləşdirilib.

Bu il 1 nəfər sirkə turşusundan zəhərlənərək ölüb. Sirkə turşusundan zəhərlənmə istisna olmaqla, il ərzində zəhərlənməyə məruz qalanlar arasında ölüm halı baş verməyib.

A.Maqsudov qeyd edib ki, sirkə turşusundan zəhərlənənlərin, əsasən, 70 faizi qadın, 30 faizi kişi olur. Zəhərlənən qadınlar arasında 30-45, kişilər arasında isə 45-50 yaşlılar üstünlük təşkil edir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.