Ölkə

Bakıda çoxmərtəbəli binada yanğın: 17 sakin təxliyə olundu - YENİLƏNİB - FOTO

20 Avqust 2019 13:01
3 Şərh     Baxış: 5 604

13:01

Yasamal rayonunda İsmayıl bəy Qutqaşınlı küçəsi, 36 saylı binada yerləşən yaşayış binasında baş vermiş yanğında 17 sakin təxliyə olunub.

Milli.Az bildirir ki, bunu Trend-ə Yasamal Rayon Dövlət Yanğından Mühafizə Hissəsinin rəis müavini Elçin Sadıqov bildirib. Onun sözlərinə görə, artıq bina sakinləri öz mənzillərinə geri dönüblər:

"Yanğın səhər saat 10:57-də qeydə alınıb. Alov 16 mərtəbəli binanın 13-16-cı mərtəbələrində giriş bloklarındakı elektrik kabellərində qeydə alınıb. Hadisə yerinə cəlb olunan əməkdaşlarımız dərhal bina sakinlərini təxliyə edərək alovun qarşısını alıblar. Xoşbəxtlikdən yanğında xəsarət alan olmayıb".

Rəis müavini əlavə edib ki, digər aşağı mərtəbələrdə də qismən yanğın qeydə alınıb.

-----------

12:15

Bakıda yanğın baş verən əraziyə Dövlət Yanğından Mühafizə Xidmətinin 2 avtomobili və 2 təcili tibbi yardım briqadası cəlb edilib.

Milli.Az Trend-ə istinadən bildirir ki, yanğın 16 mərtəbəli binada baş verib.

İlkin məlumata görə, elektrik kabelləri bir-birinə dolaşaraq yanmağa başlayıb.

-------

11:47

Fövqəladə Hallar Nazirliyinin (FHN) "112" qaynar telefon xəttinə, Bakı şəhərinin Yasamal rayonunda çoxmərtəbəli yaşayış binasının 13-14-cü mərtəbələr arasında elektrik kabellərində yanğın baş verməsi barədə məlumat daxil olub.

FHN-dən Trend-ə verilən məlumata görə, hadisə yerinə Dövlət Yanğından Mühafizə Xidmətinin yanğından mühafizə bölmələri və Xüsusi Riskli Xilasetmə Xidmətinin müvafiq xilasetmə qüvvələri cəlb olunub.

Təhlükəsizlik tədbirləri çərçivəsində bina sakinləri təxliyə edilib. Hazırda yanğının söndürülməsi üzrə işlər davam etdirilir.

Əlavə məlumat veriləcək.

Milli.Az

Məqaləyə dair fotomateriallar:

loading...

Şərh yaz:

3 Şərh:

  • Anonim
    Ehtiyat igidin.....? · 20 Avqust 14:0420

    Yaxşı xatırlayıram, yaşadığım yeni yaşayış kompleksinə sığorta şirkətinin nümayəndəsi gəlmişdi. 50manat müqabilində 25000 manat təminat verilən əmlakın icbari sığortasıni təklif edirdi. Sakinlərin coxu, heç nə olmaz deyərək əmlaklarını sığorta etdirməyi lazım bilmədilər. Təxminən bir ay əvvəl, binaların birində , bir mənzildə yanğın baş verdi. Nəticədə binada olan 6 mənzildə müxtəlif məbləğlərdə zərər baş verdi. İndi zərər çəkmiş sakinlər, səğorta şirkətindən savayı, müxtəlif Dövlət qrumlarının qapısını döyərək yardım istəyirlər. Onlar haqlıdirlarmı?

    Cavab yaz
    • Anonim
      Oxucu · 20 Avqust 14:5230

      Elə bilirsiz sığorta şirkəti evləri təmir edib, əvvəlki vəziyyətinə gətirib təhvil verəcək? Məsələn götürək bu binanı, yanğın bir neçə evə zərər vurub, sığorta yalnız onlardan birinə köməklik edəcək, digərlərinə yox, halbuki sığorta haqqını hamısı ödəyib. Sığorta deyir ki, yanğın hansı evdə başlayıbsa biz yalnız ona aidik, digər evlərin təmirini isə yanğına səbəb olan evin sahibi etməlidir. Maşınımızın icbari sığortası var, vurulanda eləyəndə onlara təmir elətdirə bilirik?

      Cavab yaz
      • Anonim
        14-52 də yazan oxucunun sualına. · 20 Avqust 21:2303

        NÇ NÇ NÇ incimə oxucu qaqaş, cəmiyyətdə gedən "gerizəkalılıq sindiromu" xəstəliyindən sənədə toxunub, fikirlərin bunu görsədir. İmzaladığın sənəd və müqavilələri oxuyub, dərk etməyənlər yalnız bu formada düşünüb, fikir bildirə bilərlər. Şəxsən mən, ölkə qanunlarını nisbətən yaxşı bilən insan kimi, təmənnasız olaraq, zərərçəkmişlərə hüqüqi yardımlar etmişəm. Nəticələr zərərçəkmişlərin xeyirinə 100 faizlidir.

        Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.