Ölkə

İsti havada iş dayandırılmalıdırmı? - VİDEO - FOTO

25 İyun 2019 13:54
5 Şərh     Baxış: 1 918

Son günlər ölkə ərazisində kəskin istilər müşahidə olunur. Bu istilərin qarşıdakı günlərdə daha da artacağı deyilir. Ölkəmizdə isə açıq havada, gün altında işləyən xeyli sayda işçi var. Bəs bu işçilərə bu isti havada güzəşt olunurmu?

Milli.Az bildirir ki, ARB TV-nin "Günə doğru" proqramı mövzu ilə bağlı maraqlı süjet hazırlayıb.

Azərbaycanda əmək qanunvericiliyinə görə, kölgədə temperatur müsbət 41 dərəcəyə çatarsa, iş dayanmalıdır.

Aynur Osmanqızı - ƏMX-nin Mətbuat Katibi: "Əmək məcəlləsinin 233-cü maddəsinə əsasən həm açıq havada, yəni üstü açıq məkanlarda, həm də sərinləşdirici qurğular olmayan qapalı məkanlarda bütün növ işlər dayandırılmalıdır. İşçilərə fasilə verilməlidir".

Şahin Məmmədov - İş İcraçısı: "Hər bir işi yerinə yetirməkdən öncə risklər dəyərləndirilir. Bu risklərin azaldılması tədbirləri müəyyən edilir. İsti hava şəraitində iş də böyük bir riskdir və bunun üçün nə etmək lazımdır? Məsələ hündürlükdə fərdi mühafizə vasitələrindən mütləq istifadə edilməlidir. Ola bilər işçi huşunu itirsin, mütləq onun kəməri və digər mühafizə vasitələri olmalıdır

Müşahidələrimiz onu göstərdi ki, əksər yerlərdə yüksək temperaturda açıq havada işləyənlərə güzəşt edilmir.

İsta havada işin dayandırılması və fasilələrin verilməsi işəgötürənlə həmkarlar ittifaqının birgə qərarı əsasında həyata keçirilir.

Şahin Məmmədov - İş İcraçısı: "Heç bir pul qazanmaq istəyi və heç bir biznes işçinin həyatı üçün təhlükə yaratmamalıdır. Əgər hər hansı bir təhlükə varsa, bu təhlükəni azaltmaq yollarını müəyyənləşdirmək lazımdır. Yox bunu aradan qaldırmaq mümkün deyilsə, o zaman bu işi görməmək daha məntiqlidir".

Havanın temperaturu müsbət 41 dərəcədən çox olduğu halda açıq havada işləməyə məcbur edilən şəxslər Dövlət Əmək Müfəttişliyi Xidmətinə müraciət edə bilər. Hər bir şikayət araşdırıldıqdan sonra qanunauyğun şəkildə tədbir görülür.

Milli.Az 

Məqaləyə dair fotomateriallar:

loading...

Şərh yaz:

5 Şərh:

  • Anonim
    (+-) · 25 İyun 14:0690

    Əlbəttə dayandırılmalıdir. Kölə deyillər axı.İş saatları və istirahət günləri də dünya standartlarına uyğun təmzillənməlidir. Çoxları ən azı 12-14 saat,istirahıtsiz işləyir.Aldıqları məvacib də çox az.İşə girən sevinsə yaxşı olar. Yoxsa bəzən işə girən də sevinir,işdən çıxan da.

    Cavab yaz
  • Anonim
    Esra Ibrahimli(Samaxi) · 25 İyun 14:3740

    Hmmmm,,,, dayandirmak lazimdi daaa yaziğ deyiller fehlelerrr günün altinda 50 derece istideee adamin yaziqi gelirrr..3 ay tetil verseydiler fehlelere deeee yaxsi olardi daaaaa

    Cavab yaz
  • Anonim
    Get Sonra Gələrsən ! · 25 İyun 14:4530

    Hələ televiziyada da deyirlər ki,40 dərəcə olanda çalışin günün altında çox dayanmayın. Saat 4-ə 5-ə kimi. Bunlar da insandır yazıqdırlar.Özümüzünküdülər da,marsdan gəlməyiblər.

    Cavab yaz
  • Anonim
    Tam Maxfi · 25 İyun 15:2830

    Seff fikirdi.40 oldu aciq havada is dayanmalidi.41 uje o dunyadi.Ozude sohbet bir ve ya iki saatdan getmir.Seherden axsamacan gunun altinda islemekden gedir.

    Cavab yaz
  • Anonim
    Naz · 25 İyun 15:3510

    Sualim var. Is seher saat 11:00 baslayir cedvele esasen. Ve isci saat 10:00-da evden cixir ise gedir ve eksine saat 11:00de isden cixir eve gedir .Bu ne geder duzgundu isti havada bu cur cedvelnen islemek?

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.