Ölkə

Azərbaycana bu il daha çox turist gələcək - Axın ən azı payızadək davam edəcək

21 Mart 2019 07:00
Baxış: 1 785
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Bu il Azərbaycana əvvəlki illərə nisbətən daha çox turistin gələcəyi gözlənilir".

Bu barədə Milli.Az-a Azərbaycan Dövlət Turizm Agentliyinin (ADTA) nümayəndəsi Kənan Quluzadə bildirib.

Onun sözlərinə görə, artıq ilk 2 ayın nəticələri özünü müsbət mənada göstərməyə başlayıb: "Adətən mart ayında, xüsusən Novruz bayramı günlərində Azərbaycana gələn turistlərin sayı artır.

Aprel ayında Formula 1 üzrə Azərbaycan Qran Prisi olacaq. Bu yarışla əlaqədar Bakıdakı əksər otellərdə yerlərin demək olar ki, hamısı indidən sifariş edilib.

Daha sonra, may ayında Bakıda UEFA Avropa Liqasının final oyunu keçiriləcək. Bu çox böyük tədbirdir. Bununla əlaqədar Bakıya çoxsaylı turistlərin gəlişi gözlənilir.

Təbii ki, üzü yay mövsümünə getdikcə, həmişə Azərbaycana gələn turistlərin sayı artır və bu il də bu artımın olacağını gözləyirik.

Hətta 2019-cu ilik ilk ayının yekunları da göstərir ki, bu il ölkəmizə gələn turistlərin sayında artım var və bu dinamik xarakter daşıyır".

İlkin İzzət
Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.