Ölkə

Bunları etmədən "prava" dəyişə, maşını qeydiyyatdan keçirə bilməzsiz

15 Dekabr 2017 11:47

1 Şərh Baxış: 6 118

#SÜRÜCÜ #AVTOMOBİL #HÜQUQ #CƏRİMƏ

Bu gün "Yol hərəkəti haqqında" Qanuna maraqlı dəyişikliklər edilir.

Milli.Az xəbər verir ki, bunu yol-nəqliyyat məsələləri üzrə ekspert, hüquqşünas Ərşad Hüseynov bildirib.

Ekspert yeniliyin nədən ibarət olduğunu belə izah edib: "Ən əsas yenilik odur ki, bu dəyişiklik qüvvəyə mindikdən sonra avtomobilini qeydiyyatdan (o cümlədən, addan-ada keçirdərkən), texniki baxışdan keçirərkən və sürücülük vəsiqəsini dəyişərkən adamın yol hərəkəti qaydalarını pozmağa görə qanuni qüvvəyə minmiş və ödənilməmiş cərimələri varsa, bu cərimələr tam ödənilmədən həmin hərəkətlər edilməyəcək. Yəni, qanuni qüvvəyə minmiş və ödənilməmiş cəriməsi olanlara cərimə ödənilməyənədək avtomobilin qeydiyyatından imtina ediləcək, texniki baxış talonu verilməyəcək, sürücülük vəsiqəsi dəyişdirilməyəcək".

Ona görə də sonradan problemlə üzləşməmək üçün ekspert yol hərəkəti qaydalarını pozmamağa, pozduqda da cəriməni vaxtında ödəməyə çağırıb.

İlkin İzzət
Milli.Az

Digər maraqlı xəbərlər Milli.Az-ın Facebook səhifəsində