Ölkə

AZAL Bakı–Təl-Əviv–Bakı reyslərini bərpa edir

28 İyun 2025 11:52
Baxış: 922
VTB-də minimal faiz dərəcəsi ilə nağd kredit 9.9%-dən
#İSRAİL #AZAL

Azərbaycanın milli aviadaşıyıcısı AZAL 2025-ci il iyunun 28-dən etibarən Bakı-Təl-Əviv-Bakı marşrutu üzrə uçuşların yerinə yetirilməsini bərpa edir.

Bu barədə Milli.Az-a AZAL-dan məlumat verilib.

Bildirilib ki, uçuşların müvəqqəti dayandırılması Yaxın Şərqdəki gərgin vəziyyət və bunun nəticəsində bir sıra ölkələrin hava məkanının bağlanması ilə bağlı idi.

"Hazırda bölgədə vəziyyətin sabitləşməsi Azərbaycan və İsrail arasında təhlükəsiz hava nəqliyyatının bərpasına imkan verir.

Aviabiletləri rəsmi www.azal.az saytından, aviaşirkətin mobil tətbiqindən, həmçinin AZAL-ın kassalarından və akkreditə olunmuş agentliklərdən əldə etmək olar", - deyə məlumatda qeyd edilib.

Qeyd edək ki, bundan əvvəl Yaxın Şərqdəki vəziyyətlə əlaqədar olaraq aviaşirkət Bakı-Təl-Əviv-Bakı (18 iyun-30 iyun) və Bakı-Tehran-Bakı (19 iyun-30 iyun) marşrutları üzrə uçuşları müvəqqəti dayandırmışdı.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.