Ölkə

Bakıda Neft Emalı Zavodundakı yanğın söndürüldü - YENİLƏNİB - VİDEO

22 Oktyabr 2024 13:58

Baxış: 5 288

#YANĞIN #FHN

******
13:58

Xəbər verildiyi kimi, paytaxtın Nizami rayonu ərazisində yerləşən Neft Emalı Zavodunda yanğın baş verib və dərhal əraziyə Fövqəladə Hallar Nazirliyi Dövlət Yanğından Mühafizə Xidməti və Xüsusi Riskli Xilasetmə Xidmətinin qüvvələri cəlb olunub.

Fövqəladə Hallar Nazirliyindən Milli.Az-a verilən məlumata görə, yanğından mühafizə bölmələrinin çevik müdaxiləsi sayəsində yanğın genişlənməsinə imkan verilmədən qısa müddətdə söndürülüb.

Xəbər verdiyimiz kimi, Bakıda Neft Emalı Zavodunda yanğın baş verib.

Trend-in hadisə yerində olan əməkdaşının verdiyi məlumata görə, Bakının Nizami rayonu ərazisində yerləşən Neft Emalı Zavodunda baş verən yanğın söndürülüb.

******
13:11

Bakının Nizami rayonu ərazisində yerləşən Neft Emalı Zavodunda baş verən yanğının söndürülməsinə helikopterlər cəlb olunub.

Milli.Az report.az-a istinadən xəbər verir ki, hadisə baş verən ərazidə iki yanğın söndürən helikopter hərəkət edir.

******
12:10

Fövqəladə Hallar Nazirliyinin "112" qaynar telefon xəttinə paytaxtın Nizami rayonu ərazisində yerləşən Neft Emalı Zavodunda yanğın baş verməsi barədə məlumat daxil olub.

Milli.Az xəbər verir ki, bu barəd FHN-nin Mətbuat xidməti məlumat yayıb.

Məlumatla əlaqədar FHN-in Dövlət Yanğından Mühafizə Xidmətinin qüvvələri dərhal əraziyə cəlb olunub.

******
11:51

Heydər Əliyev adına Neft Emalı Zavodunda yanğın başlayıb.

Milli.Az xəbər verir ki, hazırda zavodun işçiləri təxliyə edilir.