Ölkə

Bakı sakinlərinin nəzərinə - bu suları içməyin!

9 Oktyabr 2024 18:34
Baxış: 9 835
VTB-də minimal faiz dərəcəsi ilə nağd kredit 9.9%-dən
#QİDA TƏHLÜKƏSİZLİYİ

"Son illər Azərbaycanda, xüsusən də Bakıda əhali suyun keyfiyyətindən və dadından şikayətlənir. Vəziyyət o həddə çatıb ki, ya su filtirlərindən istifadə edir, ya da marketlərdən alınan suya üstünlük veririk. Problemin digər tərəfi də budur ki, marketlərdən aldığımız bəzi markalı sular da ürəyimizcə olmur, hətta xoşagəlməz tamın gəldiyinin şahidi oluruq". 

Milli.Az xəbər verir ki, bu sözləri news24.az-a açıqlamasında ekspert Rafiq Mahmudov deyib. Onun sözlərinə görə, suyun keyfiyyəti ilə bağlı şikayətlər həmişə və dünyanın hər bir yerində var: "Ancaq hazırda problemin bir hissəsi bəzi su şirkətlərində və mağazalardadır. Filtir aparatlarına xüsusi nəzarət olunmalıdır. Gün ərzində 2 tondan çox suyu tənzimləyən aparatlara qulluq vaxtı-vaxtında olunmalıdır. Əgər qulluq vaxtında olmazsa fəsadları daha böyük ola bilər. Texnologiya əbədi deyil, standartlarında qulluq vaxtı qeyd edilir. Filtir aparatlarının süzgəcləri tez sıradan çıxır, çünki suyun içindəki qırıntılar buna zəmin yaradır. Digər məsələ isə mağazalarla bağlıdır. Plastik qablarda olan suları günlərlə günün altında saxlamaq, tempraturunu tez-tez dəyişdiyi yerlərə qoymaq olmaz, bu, suyun keyfiyyətini aşağı salan amillərdən biridir. Suyun saxlama müddəti var, müddətdən artıq saxlanıldıqda təbii ki, zərər verəcək. Yaxşı olardı ki, insanlar tanınmış su markalarına üstünlük versinlər, bundan başqa müntəzəm olaraq mütəxəssis və həkimlərdən tövsiyyə alsınlar. Evdəki su filtirlərinin də sazlığını müntəzəm şəkildə yoxlamağı vətəndaşlar unutmasınlar".

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.