Ölkə

Dünya fəsillərin yerinin dəyişməsi ilə üz-üzədir

30 Sentyabr 2024 14:00
Baxış: 775
VTB-də minimal faiz dərəcəsi ilə nağd kredit 9.9%-dən
#EKOLOGİYA

Dünya fəsillərin yerinin dəyişməsi, ekstremal hava hadisələri ilə üzləşməkdədir.

Milli.Az axar.az-a istinadən bildirir ki, bunu Bakı İqlim Fəaliyyəti Həftəsinin (BİFH) açılış günü çərçivəsində "İqlim İmperativi - Yerli Fəaliyyətdən Qlobal Fəaliyyətə" panelində çıxışı zamanı ekologiya və təbii sərvətlər nazirinin müavini Umayra Tağıyeva deyib.

O bildirib ki, buna görə dünya uzlaşma həlləri üçün birlikdə tədbirlər görməlidir:

"Uğurlu uyğunlaşma yalnız hökumətlərdən asılı deyil. Burada hər kəsin davamlı iştirakı, biliklərin səmərəli idarə edilməsi tələb olunur. Paris sazişi çərçivəsində Qlobal Uyğunlaşma adlı qurum yaradıldı. Temperaturun 1,5-dən yuxarı qalxması risklər yaradır. Dünya təhlükəli həddə doğru irəliləyir. Temperaturu 1.5-dən aşağı salmaq üçün tədbir görmək imkanları azalır".

"Bizim ölkəmiz unikal ölkədir. İqlim dəyişikliyi nəticəsində ölkəmizdə də meşə yanğınları, su ehtiyatlarının azalması, buzlaqların əriməsi kimi problemlər özünü göstərir. Son 10 ildə yağıntıların ciddi surətdə azalması kənd təsərrüfatına da təsir göstərib. Ölkəmizdə iqlim dəyişikliklərinin təzahürləri müşahidə edilir. Biz misli görülməmiş sayda -147 daşqınla üzləşdik. Bu il isə hələ payız olmasına baxmayaraq, daşqınların sayı 102-ni keçib. Ölkənin Üçüncü Qırmızı Kitabının həcmi artıb. Çünki ölkədə təhlükədə olan flora və faunanın sayı artmaqdadır", - deyə o əlavə edib.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.