Ölkə

Azərbaycanda dəhşət: çaqqal kənd sakininə hücum etdi

20 İyul 2024 08:00

Baxış: 2 347

VTB-də minimal faiz dərəcəsi ilə nağd kredit 10.49%-dən

#HADİSƏ

Şəki sakini çaqqalın hücumuna məruz qalıb.

Milli.Az axar.az-a istinadən xəbər verir ki, hadisə rayonun Böyük Dəhnə kənd ərazisində baş verib.

Belə ki, 64 yaşlı kənd sakini Nəsir İsmayılov axşam saatlarında mal-qaranı örüşdən evə gətirən zaman qarşısına çaqqal çıxıb. Vəhşi heyvan əvvəlcə mal-qaraya, daha sonra ona hücum edib. Nəsir İsmayılov mal-qaranı çaqqaldan mühafizə edərkən vəhşi heyvan ona sağ ayağının baldır nahiyəsindən xəsarət yetirib.

Kənd sakini özünü çaqqaldan müdafiə etməyə başlayıb və nəticədə onu öldürüb.

Son anda hadisə yerinə yetişən digər sakinlərin köməyi ilə Nəsir İsmayılov dərhal Şəki Rayon Mərkəzi Xəstəxanasına çatdırılıb. Ona xəstəxanada ilkin tibbi yardım göstərilib. İlk növbədə quduzluq əleyhinə peyvənd vurulub.

Bir müddət xəstəxanada həkim nəzarətində qalan Nəsir İsmayılov daha sonra müalicəsini ambulator şəraitdə davam etdirmək şərti ilə evə buraxılıb.

Milli.Az
Xəbərlərimizi WhatsApp kanalımızdan da oxuyun