Ölkə

Şəhid ailə üzvlərinin mənzil növbəsinə durma hüququ artırılır

13 İyun 2024 12:19

Baxış: 860

VTB-də minimal faiz dərəcəsi ilə nağd kredit 9.9%-dən

#MƏNZİL #ŞƏHİD

Bu günə qədər 15 mindən çox şəhid ailəsi üzvü və Qarabağ qazisi mənzillə təmin olunub. Proses, demək olar ki, yekunlaşmaq üzrədir. Yəqin ki, il yarım ərzində bu kateqoriyadan olan bütün vətəndaşlarımız mənzillə təmin olunacaq.

Milli.Az Trend-ə istinadən xəbər verir ki, bunu Milli Məclisin Əmək və sosial siyasət komitəsinin iclasında komitə sədri Musa Quliyev "Şəhid adının əbədiləşdirilməsi və şəhid ailələrinə edilən güzəştlər haqqında" qanuna dəyişikliyin müzakirəsi zamanı deyib.

Komitə sədri bildirib ki, müəyyən hallarda qanunda nəzərdə tutulmayan məsələlər də ortaya çıxırdı.

"Bunun da qanunvericiliklə tənzimlənməsi lazım idi. Bir müddət əvvəl bizə müraciət daxil olurdu ki, Qarabağ qazisi növbədə olarkən dünyasını dəyişirdisə, onun ailə üzvləri həmin növbədən avtomatik çıxarılırdı. Ona görə də bununla bağlı boşluğu qanunvericilikdə aradan qaldırdıq. Bütün ailə üzvlərinə şamil olundu ki, onların ailə üzvləri mənzil növbəsinə yazılsın.

Eyni prosesi bir neçə hallarda şəhid ailələri arasında da müşahidə etdik. Ona görə də aidiyyəti üzrə bütün məsələlər müzakirə olunub və qanunvericiliyə müvafiq düzəlişlər edilib.

Əgər şəhidin həyat yoldaşı dünyasını dəyişirdisə, şəhidin övladları status yaşından keçirdisə, mənzil növbəsinə iddialı ola bilmirdilər. Bundan sonra yeni dəyişikliklə şəhidin mənzil hüququna malik ailə üzvü dünyasını dəyişərsə, şəhid ailəsi statusu olmayan ailə üzvləri də mənzil növbəsinə yazıla biləcək", - deyə o əlavə edib.

Milli.Az
Xəbərlərimizi WhatsApp kanalımızdan da oxuyun